>  Stan, anque ci in Norvegia multe gente (le majoritate homines) ha armas a
>  casa. Multe de iste homines es militares qui debe retener armas de rationes
>  militar, ma le grande majoritate de armas es non-militares pro chassa o
>  protection etc. Le derecto de haber armas pro cata person ben que ille es
>  civil es anque un tradition politic in Norvegia. Ma ben que nos dunque ha
>  un grande cantitate de armas legales e (anque multissime) armas illegales
>  nos ci non ha multe accidentes o homicidios pro parte del armas. Io crede
>  le ration pro iste es primeramente que le grande majoritate de homines in
>  Norvegia debe facer un servicio militar e durante iste servicio illes
>  apprende e usar e respectar le armas.
>  Esque illes es ver que vos in SUA ha plure dece de milles homicidios armate
>  cata anno?
>
>
>  Sinceremente: [log in to unmask]

I non cognosce exactemente le numero de homicidios armate cata anno in le
Statos Unite.  Mesmo mi estimate del homicidios de armas in mi stato de
Georgia esserea un possibilemente incorrecte impression.  60 mortes per anno?
Nostre stato ha 8.3 milliones. Possibilemente 3000 per anno? Io non
cognosce. Io ha informationes super le numero de personas occidite in
accidentes de automobiles: circa 85,000 cata anno. In 1936 le numero de
individuos occidite per automobile esseva a su puncto plus alte, 110,000.
In le interim nostre population ha crescite multo, mais nostre caminos
es meliorate, e tanto ben con le automobiles con le usage de cincturas de
securitate in le automobiles.

Io cognosce que le numero de homicidios de armas in le juvene homines
ha crescite desde 1975.  A ille tempore un programma in le television
"Miami Vice" ha monstrate criminales e policia usante pistolas automatic
con 14 bolletas per magazine, pistolas mitraliatrice.  E si le criminales
non ha usate iste armas ante isto, vidente lor contrapartes in le
television usante los, illes debe haber los tanto ben.  Il habeva un
explosion del usage de pistolas per criminales e mesmo pueros in le
scholas elementari!

Il ha un caso in le cortes de un juvene studente arrestate pro portar un
pistola a su schola a hic in Atlanta. Su excusa esseva que ille time
menacias super su vita per altere pueros armate.  Il ora ha leges que
tolera necun armas ni alcohol o altere drogas abusabile in le vicinitate
de un schola.  Le anno retro un puera esseva suspendite pro multe menses
pro portar un cultello ceremonial de Africa a su classe pro monstrar le
classe iste artifacto in studios social.  Recentemente un puero esseva
suspendite pro circa un anno pro portar un botella de vino como un
dono a su instructor in francese.  Le patre del puero pensava que isto
esserea un excellente dono pro un instructor del francese.  Mais le
lege es stricte e absolute.  (Le lege es stupide per su inflexibilitate).
Le instructor esseva requirite a reportar le al autoritates.

In un vena relate, le stato de Georgia ora suspende le licentia a conducer
un automobile pro individuos de etate minus que 21 annos pro sex menses
quando illes ha convictiones in le cortes pro vader plus que 38,4 km/h
supra le maxime velocitate legal. Iste nove lege ha trappate certe
juvenes sin le capacitate a conducer se a ni le schola o a obra post
le schola. E nostre Governator dice que ille va poner su veto a alcun
lege que essaya a reducer iste pena.

Assi, le vita in le horrific, criminal Statos Unite ;-).  (A ver dicer,
cosas non as tanto mal como on pensa secundo le television e le cinema).

Stan Mulaik