Stanley Mulaik wrote:

>Mais io
>rejecta le idea que interlingua es un religion con hereticos. Un
>tal idea haberea essite totalmente extranee a Dr. Gode, qui esseva
>un linguista professional qui esseva guidate per un clar concepto
>del methodos objective del scientia e le linguistica.  Il non ha
>'hereticos' in le scientia.
>
Hmm, considera le calefaction global, le facto que glacies non solo in
Antarctica ma anque in le Arctica diminue gradualmente. Ma alteres dice
que isto non es facto. On disputa observationes etc. Naturalmente, tanto
in le vita "civil" que in le scientia il pote haber conflictos e
hereticos! Ecce! :-)

Helge Heimer non era un esperantista, al minus non particularmente
cognoscite como un tal. Ille era plus tosto le autor de Mondial, un
lingua que es multo simile a interlingua o plus tosto corresponde al
idea de un lingua auxiliar si on ha apprendite francese e un poco de
italiano.

Quanto a Gode e Interlingua, forsan un explication es que le movimento
de linguas auxiliar es multo differente in le paises in Europa.

Certo Gode succedeva dar a interlingua un aura academic, lo que era
profitabile, ma il me sembla que si il non habeva essite le europeos, on
poterea haber declarate interlingua defuncte jam in le 70's.

Le parlar de linguas auxiliar como un religion es interessante. Ego ha
mesme credite in iste metaphora, ma al fin ego ha concludite que illo
pote esser un miscomprension. Apprender un lingua es investar energia e
tempore. Il non es facile cambiar o solo cessar. Un lingua es un
instrumento de exprimer se. Ma al mesme tempore illo pote facer memorar
de un opinion politic.

Mi proprie consideration es que interlingua funge pro me. Al mesme
tempore que illo es un explicator del vocabulario international, quasi
un latino pro pigros,  que pro me es utile, mesmo si ego erea le sol
parlator de illo.

Le dicotomia inter lo academic e lo practic essera sempre presente, como
in quasi omne linguas.

Pro reformas e proprie recerca ego non es interessate. Usar le lingua es
lo interessante.

Kjell R