Salute!
Péter Kovács ha aperite le session heri como avisate in iste foro e
initialmente ille e io esseva le sol participantes. Ma tosto arrivara plus
personas ma nulle interlinguistas plus. Vergonia! Le visitatores ha parlate
linguas romanic diverse e un bon voce esseva Catarina de Italia qui ha
comprendite interlingua ben e ha parlate italiano in un maniera distincte
que ha facilitate mi comprension.
Regrettabilemente plure visitatores ha disturbite le session per critar
Hallo, Hallo plure vices. Alteres ha causate echo per lor mal functionante
equipamento. Il non sempre es necessari a usar "headset" ma il es
recommandabile pro evitar echo e altere disturbantias.
Io spera que Péter vole aperir un nove session le proxime martedi o plure
martedies sequente. Ille ha gerite le session multo ben. Ille parla assatis
lentemente con un voce clar e distincte. In plus ille ha nunc experite que
le gerente es obligate a mantener un disciplina stricte del participantes.
Hic alcun consilios pro tote participantes:
1 Le gerente debe permitter maximalmente tres personas in le categoria
"Parlatores" Le resto ille debe rapidemente transferer al categoria
"Ascoltatores". De ubi cata ascoltator pote demandar "le parola" e deveni
placiate in le categoria "Attendentes"
2. Cata parlator debe cata vice presentar se curtemente: "Io es Jan e io
desira ...." Isto es necessari proque il non es possibile per le
participantes a discerner qui parla per recognoscentia del voces. Heri Péter
frequentemente ha essite obligate a questionar: "Qui parla?"
3. Nos interlinguistas debe usar le bon opportunitate a dar avisos re nostre
INTERLINGUA al nove participantes in manieras differente. On pote usar le
opportunitates a inviar adresses etc durante le session.
Io ha trovate Skypecast amusante e io crede e spera que iste nove methodo a
communicar pote facilitar le expansion de nostre interlingua.
Janne
--
Generalsgatan 12 E, SE-903 36 Umeĺ
Tel +4690771525
Mobile +46706594934
Skype: janarm
www.armann.se
--
Archivos e disabonar: http://listserv.icors.org/archives/INTERLNG.html
