Jan Armann wrote:
>
> Car Anne, car totes!
>
> Io ha legite tu responsa a un message de Leland. Io non vole interferer
> in le discussion linguistic professional. Ma io ha ben (adverbio!)
> comprendite tu argumentation que me sembla clar e logic. Io non antea ha
> vidite le terminologia "adverbios in plure grados". Esque illo es un
> concepto generalmente acceptate?
>
> Jan
>



Car Janne,


Io esserea multo surprendite si tu habevea jam vidite iste terminologia.
Illo pertine al linguistica, e non al grammatica traditional normative
(le grammatica que on insenia in le scholas, gymnasios e universitates,
foras le linguistica. Iste grammatica es normative, in le senso que su
message es : isto es bon svedese, isto es mal svedese, vos debe dicer
isto, vos non debe dicer isto. Le grammatica traditional se preoccupa de
conservar un del variation del lingua que es considerate como plus
prestigiose e melior, ma illo non es un vista objective e scientific sur
le lingua).

In re le concepto de adverbios in plure grados, illo es un evidentia pro
tote le linguistas que labor in le campo del semantica grammatical.
In re le terminologia, le parolas "grados", o "nivellos" son
generalmente usate pro considerationes pedagogic per le professores de
universitate pro explicar lo que es un adverbio. Ma in le articulos, on
usa generalmente, pro le prime grado : adverbio de maniera (o solmente
adverbio), pro le secunde grado : adverbios de quantitate, o
"quantificatores", pro le tertie grado : adverbios de grado de
assertion. Como il ha un continuum inter le grados, on usa alicun vices
simplemente le parola "adverbios", proque il ha adverbios que son inter
duo grados.

Como le linguistica ha evoluate multo, e in un periodo assatis curte
(desde 1960), il existe sovente un terminologia un poco differente inter
le varie scholas de linguistica. Nonobstante, on se comprende ben, e si
un linguista vide lo que io ha scribite, ille sape exactemente lo que io
vole dicer, in su proprie terminologia. Lo que es importante, es de
comprender que le adverbios face un operation que se trova sur un
continuum. Evidentemente, io ha usate le illustration con le lampa
solmente pro tentar de explicar isto, proque io sape que le membros de
Interlng ha quasi nulle base in linguistica, solmente in grammatica
normative traditional. Le grammatica traditional non ha criterias de
analyse formal, alora illo se trova sovente in situation ubi illo non
pote analysar le phrases de toto.

---

Amicalmente,

Anne