Car amico Petro Ferrero,
 
ESQUE e AN es equivalente in phrases interrogative directe, e
SI a AN es equivalente in phrases interrogative indirecte.
 
ESQUE e SI nunquam es equivalente.
 
Le parola ALTERE pote prender le termination -O si on vole clarificar que illo es masculin e le termination -A si on vole clarificar que illo es feminin.
 
Insimul con UN ALTERE on pote dicer UN ALTERO e UN ALTERA.
 
Mesmo in plural. Insimul con ALTERES on pote usar ALTEROS (masculin) e ALTERAS (feminin).
 
Isto non es le caso de ILLO/ILLOS. In iste caso le masculin es in -E: ILLE/ILLES e le feminin in -A: ILLA/ILLAS
 
Le parola UN ha un forma masculin UNO e un forma feminin UNA. E mesmo in plural, insimul con UNES nos ha UNOS  masculin e UNAS feminin. ALICUN functiona como UN. ALICUNO e ALICUNOS es masculin ALICUNA e ALICUNAS es feminin. ALICUN e ALICUNES es indifferente al genere.
 
ILLES pote esser usate in omne caso, mesmo in vice de ILLOS que de ILLAS.
 
Que tu habe un bon anno nove!
 
Amicalmente
 
Josu Lavin
· Presidente del Academia pro Interlingua
· Membro del Societate American pro Interlingua
· Informator del UMI del Pais Basc
 
_________________________________________________________________
Comparte hasta 500 fotos en un solo email con Windows Live
http://download.live.com/
--
Archivos e disabonar: http://listserv.icors.org/archives/INTERLNG.html