Heri le policia in le citate Västerås
trovava un pistola in le bagage a mano
de un viro qui passava per le controlo
de securitate ante que ascender un avion
a Anglaterra. Le viro sassite ha le
etate de 29 annos, ille es "cognoscite
per le policia" e ha participate in un
curso de pilotage in le Statos Unite.

Le policia non solo sassiva le viro ma
anque interrogava le altere passageros,
qui intendeva viagiar a Anglaterra pro
participar un conferentia islamic.

Le policia nega famas secundo le quales
le viro habeva complices e que le
motivation era facer le avion cader
verso un ambassada statounitese alicubi
in Europa.

Participantes futur del conferentia era
multo critic verso le policia, proque
illes non potera participar le
conferentia e postula que le policia
retorna le moneta pro le billetes que le
passageros habeva pagate.

Un portavoce del policia explicava in le
Radio National Svedese que le policia
habeva pagate le costos pro sejorno in
un hotel, ma non ha le intention pagar
le moneta perdite pro le billetes que
non poteva esser usate. "Le passageros
debera presentar su pretentiones a
repagamento", diceva le portavoce.

Via le aures de

Kjell R