Salute Petrus Io non habe multe idea sur publicitate,, sed illo que io vide e que functiona semper ben es le prospectus, brochure, folios volante o pamphletos, illos pote esser imprimete in grande volumen, non es multe costose e pote esser disseminate facilemente. Io pensa que le loco ad hoc serea in le Universitates in facultate de Linguas, Derecto, le personnas que ama le Latin e Europe. Etiam postales pote esser un bon idea con le symbolo de Europa y le devisa de ia perque non ? On habe besonio de un nove unda de adeptos in ia.

Vale

Jsf


KOVACS Peter Mailbox <[log in to unmask]> wrote:Car interlinguistas!

Io vole scriber a vos, le qual me occupa in le ultime tempores.

Que io pote facer pro interlingua in mi pais, Hungaria, ubi illo es totalmente incognoscite?

Que io pote facer pro IA in mi patria, si io es le adherente quasi exclusive de iste lingua?

Que pote esser tal efficace medios, le quales pote esser realisate per un sol homine in un pais?

Io demanda vostre ideas, experientias in simile situation, consilios, opiniones. Per favor responde primarimente illos, le quales ha experientias e habilitate adequate de longe tempore (si non longe, alora efficace) in le divulgation de interlingua; "movimentistas" in un simile situation (Enjo, Martijn Dekker, Pawel Wimmer, Stanley Mulaik, Alberto Mardegan, le organisatores del conferentia in Bulgaria, o le organisatores de ulle conferentia, Thomas Breinstrup, Allan Kiviaho, etc, etc. - Gratias a Ingvar Stenström pro su responsa extra le lista personalmente a me in iste thema.) Ma de facto io attende le ideas, consilios, etc. naturalmente de omnes, le quales ha ideas, mesmo si illes es novicios.

Un pauc re le antecedentes:

Nos sape ben, que interlingua esseva publicate in 1951, quando in Hungaria esseva un dictatura communista, secundo le modello sovietic stalinista, sub le direction de Mátyás Rákosi. Naturalmente in iste milieu non esseva possibile le divulgation de interlingua, in contra de Svedia p. ex., ubi es democratia jam desde longe (io suppone, anque in le cinquantas illo esseva), e il habeva homines, le quales poteva devenir interlinguistas immediatemente post le apparation de interlingua, e poteva esser efficace in un pais democratic. Ecce illo, que es le clave de illo; proque pote(va) esser interlingua tal successose, tal efficace, tal cognoscite in Svedia e Scandinavia in contra del situation in altere paises. Proque isto es un processo in Svedia, un continuitate in le cosas de interlingua, continuitate in interlinguistas. E iste continuitate manca ancora in paises, le quales ha democratia solmente desde le novantas. Sin un fundamento, on non pote construer. E haber un fundamento, radice -
 isto besonia tempore...o non...?

E anque post le dictatura stalinista in Hungaria in le 50s veniva un dictatura plus molle, minus forte usque ancora decades. E iste forma, iste systema del socialismo anque non habeva le interesse permitter, mesmo non adjutar a su citatanos le communication international (que pote esser realisate p. ex. per interlingua), e comformemente interlingua anque non habeva le opportunitate divulger se inter 1956-1990.

Postea arrivava le epocha del si nominate "democratia", quando le opportunitate pro interlingua anque non es apte, proque toto es regnate per le si nominate "grande linguas", "linguas mundial", principalmente per le anglese. E iste periodo del "democratia" de 14 annos (totevia le plus apte pro le divulgation de interlingua) semblamente non esseva sufficiente pro Ferenc Jeszenszky pro divulgar le lingua, al minus facer cognoscite le lingua, como le sol interlinguista in Hungaria in iste tempore.

Dunque que facer in un tal situation, post un tal passato historic detra nostre dorso, le qual io ha narrate hic?

Curiosemente super le responsas:

Péter Kovács
Hungaria
http://www.extra.hu/kovicsan/intindex.htm
http://interlingua.fw.hu



---------------------------------
Do you Yahoo!?
 Check out the new Yahoo! Front Page. www.yahoo.com