Responsa a Michael D. Edwards:
In Svedia in le gymnasios, i.e. le tres annos pre-universitari,
existe un subjecto appellate Allmän språkkunskap, melio
nominate le Vocabulario international.  In alcun gymnasios
nos ha utilisate Interlingua como un "concretisator" del notion
"vocabulario international" e usate mi manual "Interlingua -
instrumento moderne de communication international", que
consiste de duo partes TEXTOS (completemente  in I-a) e
COMMENTARIO (nunc accessibile in novem (9) linguas.

Io assi inseniava Interlingua a 800-1000 studentes in mi
schola durante le annos 1967-92.  In altere gymnasios,  Älmhult,
Ängelholm, Boden, Eskilstuna, Ånge illo esseva inseniate
de tempore a tempore.  Un inspector national del inseniamento
de iste subjecto me diceva que ille videva mi manual "ubique"
in le scholas.

Le subjecto esseva durante le tempore mentionate obligatori
pro alumnos qui non studiava le latino. (Nunc illo es optional.)
Le proportion inter latinistas-e "interlinguistas" in le classes
humanistic esseva 1 : 2, un tertio studiava le latino classic
e duo tertios le latino supervivente.  Le subjecto deveniva
si popular in nostre gymnasio que nos habeva in addition
cata anno un classe con alumnos qui lo studiava como
"subjecto de option": le plus sovente studentes del branca
de scientias.

Duo reportos de iste inseniamente ha essite publicate in
"Stenstrom-Yeager: Tema: Interlinguistica e Interlingua"
ISBN 90-71196-17-8.  Vide Bibliographia de I-a o
Amazon.com (?)

Si vos succede introducer Interlingua in le curriculo de
vostre schola (prerequisito: un principal intelligente), per
favor informa me!!!
Proque non participar in le 14-e Conferentia International
de I-a  in julio in Romania - le ver "crash-course", immersion
total?

Con salutes amical,
Ingvar

----------
Från: Michael D. Edwards <[log in to unmask]>
Till: [log in to unmask]
Ämne: Inseniar Interlingua
Datum:  den 24 maj 1999 17:01

Does anyone know if they've ever experimented by teaching Interlingua to
school students? Elementary or higher? If so, is there any documentation on
it.

Does anyone know the possibility of being allowed to teach it somewhere in
the U.S. (at the private school I teach at) as some type of foreign
language credit?

Gratias
Michael D. Edwards
Youth Pastor, Bible Baptist Church of Riverview, MI
icq# 22120858
"For I am not ashamed of the gospel of Christ: for it is the
 power of God unto salvation to every one that believeth;
 to the Jew first, and also to the Greek." (Romans 1:16)