Car Amicas e Amicos,
in le dies passate io faceva alcun probas con un software que on pote
discargar (download) gratis in internet e per le medio del qual io parla de
un computer a un altere computer al simple costo de un conversation
telephonic urban. Io dicerea: un telephonata!
Assi, si uno es mi computer a Treviso e le altere es le computer de Julio a
Nova York, Julio e io pote (tentar de) conversar in interlingua, anglese
(con multe difficultate pro me), italiano (forsan con difficultate per
Julio). Ma nos sapera como probar de intender nos, le prime vice. Postea nos
meliorara.
Le resultato es exactemente illo que nos pote haber con un normal
telephonata (conversation telephonic urban).
Oh! Le prime vices nos debera optimisar le microphono e le cassas o le
auricular (earphone), ma que es isto in comparation a sentir nostre voce?
Io faceva alcun probas un anno retro e scribeva re isto in iste lista. Le
resultato ha essite meraviliose, como uno poteva attender se ab iste mundo
que practica le novitates, ma que, in realitate, que face illo del
novitates?
Necuno respondeva e non solmente de iste lista, ma in general.
Assi io ha tres computers, vetule como io es, e in mi studio io perora le
presentia de un amico, pro facer alcun probas. Anque in iste caso le
enthusiasmo es meraviliose. Si uno veni un vice, io non le vide plus. Perque
isto?
Io pensa que nos parla tanto del novitates, ma que al fin nos non sape
vermente como facer con un computer. Le personas in veritate time le
computer, o time de demonstrar que illes non sape como facer le cosas. Io
non es un experto de computer, o de installation de software, o no io non lo
es. Ma iste software ora es anque in lingua italian, assi illo sera anque in
le principal altere linguas e non plus solmente in anglese.
Le costos. Pro dece-cinque minutos de conversation io spende circa US$0,20.
Io non vole convincer vos de isto. Si vos sera disponibile, sera io a facer
le connexion de mi computer al vostre, assi sera io a pagar le costos, fin
que vos non habera le securitate que le uso de iste software non es costose
e, io repete, pro parlar inter nos de un punto del planeta a un altere.
Io habera infortuna, ma io trova ridicule que necuno sia disponibile a facer
un proba.
Io ha sempre habite difficultate con francese e anglese quando io debe
parlar, perque io non ha le costume de facer lo, e io non sape trovar le
parolas del qual io ha necessitate.
Que sera pro me con interlingua? Io non ha jammais parlate con un altere
persona in interlingua. Pro assurdo, durante un conversation telephonic que
io recipeva de un interlinguista francese, succedeva que ille tentava de
parlar me in italiano, io tentava de responder in francese e ambes usava
poco interlingua.
Ma nos pote superar isto, si nos es disponibile a frequentar un poco un
conversation que nos cercara de mantener solmente in interlingua.
Ben, io ha tentate ancora un vice de convincer un altere persona a emplear
illo que nos ha a nostre disponibilitate, practicamente gratis, a nostre
domo.
Si inter vos existe un altere folle qui vole facer del probas con me, per
favor, que ille me invia un message personal al adresse
mailto:[log in to unmask]
Io inviara un message personal de invitation usante le software in question.
Con iste message uno potera cognoscer como facer pro discargar le software,
si ille potera facer lo in su computer, e como ille potera probar a usar lo.
Pois nos indicara nos un horario durante le qual nos potera trovar nos
connectite in internet e disponibile a conversar in interlingua, o in le
mixtura de linguas que nos sapera inventar.
Crede vos que uno solmente inter vos mordera le esca?
Si isto sera ver e nos potera conversar in interlingua, cata uno
commodemente al computer sue, vos lo potera saper presto.
Io es a vostre disposition.

Ciao,

Mario, le confabulator pionero.


----- Original Message -----
From: Jonathan Julius Dobkin <[log in to unmask]>
To: <[log in to unmask]>
Sent: Thursday, October 19, 2000 4:32 AM
Subject: Parlar in interlinguaa?


> Car J von J:
>
> Io non sape ubi tu vive, ma si tu (o alcun altere persona qui lege isto)
es
> in NovaYork, forsan nos pote reunir pro haber un cafe e parlar in
interlingua...
>
> -J J