Plus superstitiones brasilian (de mi region de Brasil, al minus)
que io pote registrar.

Lassar un parapluvia aperte intra le casa pote apportar mal
fortuna.

Quando uno scopa le casa, uno debe facer lo del anterior del casa
al posterior. Si non, tu expelle le ricchessa del casa.

Quando tu vole que un visitante parti de tu casa, pone un scopa
detra le porta.

Quando tu vole exir de casa e le pluvia non cessa (cosa aliquanto
frequente in mi region), tu debe prender un folio de papiro e
distaccar le silhouetta de un femina (un pupa de papiro), e
attachar lo detra le porta. Quando le pluvia cessa, tu debe prender
le pupa con te, pro promenar se. (Zjan me ha indicate iste
superstition, que io non cognosceva.)

Infantes designa un sol super le solo pro evitar que le pluvia
comencia. (Iste io cognosceva, mais Zjan non.)

(Justo ora il pluve forte... Es hora de facer un pupa de papiro...)
:^)

A revider,
Ensjo.