Anne, 
nota que in interlingua il ha _mathematica, linguistica, esthetica etc. 
Il es un grande tentation usar pro exemplo _amicable_ pro le correcte
_amicabile_. Interlingua ha iste plus longe forma pro possibilitar un
formation regulari de _*amicabilitate_.

Stan e Ken,
ego non sape an ego scribeva de isto antea, sed le aspecto de esperanto non
del toto me disturba, viste que ego apprendeva iste lingua - de facto - como
mi prime lingua estranier! Como Allan si correcte notava, le beltate sede (o
que illo face :-) ) in le aures.

Quanto al allegate hispanicitate de interlingua ego crede que isto es un
observation superfacial. Pote esser que tu pensa ante toto del plurales in
-es, _organisationes_. De accordo, sed nota le ORTHOGRAPHIA! 

Ecce un poco de ortografia espaniol de interlingua:
Quanto al alegate hispanicidad de interlingua yo crede que isto es un
observacion superficial. Pote esser que tu pensa ante todo del plurales in
_es_, _organisaciones_. De acordo, sed nota le ortografia!
Ego sape que le specimen in supra NON es espaniol. Ego ha solmente
reintroducite alcun specificos espaniol phonetic sed non tentate scriber
vermente espaniol, al qual carga ego non es capabile!

Allan e Steinar
esque alcun de vos ha un adresse al conferentia latin in Jyväskylä?

Le lectores del radio finlandese lege le latino multo bello. Longe vocales
ES longe e curte es curte. Isto es un lingua que vive. Le sol cosa que ego
ha notate es le influentia finnese al consonantes. Ego audiva pro exemplo
alque in le stilo de _Nelson Mandela, dux necritorum africae australis_ in
vice de _negritorum_ sed etiam le sol ha su maculas, como se dice.

_Ita finiuntur nuntii Upsalienses._
Valete!
Kjell Rehnstroem    
Vaenortsgatan 87      
S - 75264 Uppsala
email: [log in to unmask]