d[050518] x[Kiviaho Allan] z[KivA-5Hmi]
s[Ostracismo del "Lingua Romanica Unificata" ex le INTERLNG]
[log in to unmask]
cc: [log in to unmask]
[log in to unmask]
interlingua-coollist.yahoogroups.com
Estimate interlinguistas!
Io notifica que durante mi vacation a Pärnu, Estonia,
"Le Lingua Romanica Unificata" ha essite ostracite, o
al minus ponite sub moderation, ex le lista
interlng[AT]maelstrom.stjohns.edu
Isto es un solution que multe interlinguistas ha
demandate jam durante annos.
Le sito interlng[AT]maelstrom.stjohns.edu es un sito
official del UMI - Union Mundial pro Interlingua pro
promover le interlingua que era create in 1924-1951 per
IALA - International Auxiliary Language Association.
Le scopos principal del UMI es a facer le interlingua
de IALA al lingua commun pro uso practic in Europa e,
si possibile, etiam in altere regiones ubi un lingua
romance prevale.
In iste contexto "Le Lingua Romanica Unificata" es un
distraction enoiose, un dialectisation parochial que
distrahe nove interlinguistas aspirante. E que nos
ialistas/umistas non vole e pote presentar a
euroeminentias.
----------------------------------------------------------------
Josu Lavin 050508 (e altere vices):
"Romanica e Interlingua es le mesme lingua."
-------------------------------------------------------x--------
Assi assi! Sed proque Josu Lavin & Co. usa duo nomines
pro le "mesme lingua" in loco de sol interlingua, que ha
traditiones de 81 annos - mesmo le UMI face 50 annos in
2005!
----------------------------------------------------------------
Josu Lavin 050508: Il pote semblar un pauco [*] bizarre, ma illo
es assi: INTERLINGUA = ROMANICA
-------------------------------------------------------x--------
[*] Multo bizarre!
Le UMI non pote e debe tolerar tal declarationes in SU
sitos.
----------------------------------------------------------------
"Interlingua e romanica son linguas incompatibile"
Josu Lavin 050508: Incompatibiles? Non, illos non lo es!
-------------------------------------------------------x--------
Un lingua, specialmente un pan-lingua, es un cosa de
selectiones.
In interlingua, pro exemplo, on ha selecte que le
pronomines non ha articulos grammatic, proque le
interlingua tender a esser un lingua rational.
----------------------------------------------------------------
Lavin Josu 050510: Per exemplo, le parola CASA pote esser plus o
minus international. Bon, illo es acceptate in interlingua.
Perfecto. Ma le syntagma nominal "LE CASA" es international?
Non, simplemente non lo es. Nemo lo dice assi. Lo
international es "LA CASA".
Iste rationamento es impeccabile.
-------------------------------------------------------x--------
Un grande parte de europeos non pote comprender que
casa esserea un femina.
----------------------------------------------------------------
Lavin Josu 050510: Le evidentia de mi parolas parla per se.
Si tu dice LE CASA ante qualcunque hispanophono. Ille te dicera:
No, on dice "LA CASA"!!! [*]
LE CASA non es natural nec international.
Il es evidente que le ver formas international es duo:
THE HOUSE e LA CASA.
E in America e in Europa e in le integre mundo!
-------------------------------------------------------x--------
[*] Si le "Lingua Romanica Unificata" non es totalmente
identic con le castiliano, etiam in Romanica debe esser
casos que un "hispanophono" tracta como mal espaniol,
nonne? E le motivo principal del Romanica es que sr
Josu Lavin non debe parlar castiliano con le
castilianos, nonne?
----------------------------------------------------------------
Lavin Josu 050510: Io ha cercate in google:
"le casa": 5.860 vices
"la casa": 3.840.000 vices
"le constitution": 693 vices
"la constitution": 2.970.000 vices
Il es evidente qual syntagmas nominal son plus international,
nonne?
Le recerca on ha facite inter " ":
"le lacte": 154 vices in google
"la lacte": 43 vices
"lo lacte": 69 vices
Qual es le plus international?
- - - - - - - - - - - - - - - - - - - - - - - - - - - - - - - -
io canta - io canto
le constitution - la constitution
le constitution europee - la constitution europea
-------------------------------------------------------x--------
Josu Lavin vole cambiar non solmente le articulos sed
etiam le systema de verbos. Conclusion: Le Romanica ha
nihil a facer con interlingua del IALA.
----------------------------------------------------------------
Lavin Josu 050510:
In le nove Grammatica de Romanica et Interlingua ...
-------------------------------------------------------x--------
Il non pote e debe exister un grammatica COMMUN de
Romanica e interlingua. In documentos del interlingua
non debe esser ulle referentias al Romanica.
----------------------------------------------------------------
Lavin Josu 050510:
Josu Lavin
Presidente de la Academia pro Lingua Romanica
et de su section Academia pro Interlingua
-------------------------------------------------------x--------
Le idea que interlingua del IALA/UMI con su historia
longe e magnific esserea un "section del Academia pro
Lingua Romanica" es totalmente intolerabile.
----------------------------------------------------------------
Lavin Josu 050503: Victoria? Qual victoria?
-------------------------------------------------------x--------
Con isto io intendeva le victoria del interlingua
de IALA/UMI como un singule lingua commun pro cosas
practic in Europa e regiones ubicunque ubi prevale un
lingua romanic.
----------------------------------------------------------------
Lavin Josu 050510: Inquisition in Interlng.
Car amicos, Io non pote scriber in INTERLNG illo que io
desira [*]. Le senior (?) Ensjo vole boycottar mi travalio pro
Interlingua, perque io adde exemplos in le lingua romanic commun
unificate, le lingua le plus proxime ab Interlingua [**].
-------------------------------------------------------x--------
[*] A rationes plus quam obvie.
[**] Le sitos del UMI son dedicate pro le interlingua
del IALA. "La Lingua Romanica Unificata" es non solmente
un distraction enoiose del interlingua sed ha multe e
multe vices provate se esser hostil contra le movimento
de interlingua del UMI.
Si, le UMI de facto ha un officio pro questiones
linguistic:
COMMISSION LINGUISTIC
Coordinator: Prof. Ferenc Jeszenszky,
Budapest, HUngaria.
Io burlantemente nomina le "Interlinquisitor in chef",
"ROMA ... eh ... BUDAPEST LOCUTA EST, CAUSA FINITA EST!"
----------------------------------------------------------------
Lavin Josu 050510:
Qui es iste typo? Qui es Ensjo?
-------------------------------------------------------x--------
Iste "typo" Ensjo es sr Emerson José Silveira da Costa,
le distinguite vice-secretario general ("vice-Piet") del
UMI, un specialista de infotechnica qui labora pro le
governamento de Brasil. Ensjo es le moderator principal
del sitos official del UMI.
::::::::::::::::::::::::::::::::::::::::::::::::::
:: "LE ROMANICA UNIFICATA" FACE SABOTAGE PRO LE ::
:: INTERLINGUA DEL IALA E UMI ::
::::::::::::::::::::::::::::::::::::::::::::::::::
"La Academia pro Lingua Romanica" ha con su activitates
causate multe consternation e disturbantia in le labor
del UMI.
Nostre scopo actual es promover interlingua in Europa,
i.a. usante le Constitution Europee como "ariete". Nos
non ha tempore a debatter de cosas peculiar re le
Romanica.
Io non es un membro del Consilio Executive o Consilio
General del UMI sed io age pro le supreme functionarios
del UMI e io crede que le ambe Consilios son - ha essite
jam desde longe - in consenso commun que le "assatis es
assatis" in le cosa del "Romanica Unificata".
Io non plus va corresponder - in principio - con sr
Josu Lavin in re le cosas de interlingua e Romanica sed
reserva me derecto de inviar information correcte si
"La Academia pro Lingua Romanica" face propaganda ubi on
presenta connexiones false inter interlingua e Romanica.
- - -
Io propone que La Lingua Romanica va esser ostracite
etiam ex le interlingua-coollist[AT]yahoogroups.com si
le propaganda pro le Romanica va continuar.
- - -
Totevia, io pensa que sr Josu Lavin pote esser
reacceptate in le familia del interlingua de IALA/UMI,
si ille va - miraculosemente - devenir un bon
interlinguista agente con Romanica solmente in sitos
e occasiones ubi on vide nulle connexion con nostre
interlingua e lor Romanica.
Io crede que le causa de bascos es melio servite con un
lingua que es commun in tote le Europa - interlingua,
in loco de un lingua local/parochial - Romanica,
nonobstante como bon le Romanica es como un construction
auxilingual.
- - -
Salutante
Allan Kiviaho
Presidente del
AFIL - Association Finlandese pro Interlingua
LE UMI BESONIA PACE PRO TRAVALIO PRODUCTIVE!
======================================================
Pro disabonar te del lista, invia un message a
[log in to unmask] con le texto:
UNSUBSCRIBE INTERLNG
o visita le sito del lista:
http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:
http://www.interlingua.com/
======================================================
|
