[log in to unmask]
[log in to unmask],[log in to unmask]

=========================================
RUSSO - LE INTERLINGUA DEL FINNO-UGRIANOS
=========================================

(Il es consiliabile de converter isto texto al fonte
de Courier 10).

Durante isto estate tres grande conferentias de linguistas
ha habite loco in Finlandia:

1. Le finno-ugrianistas
2. Le latinistas
3. Le slavistas

In "Panorama 1997:2" Thomas Breinstrup citava professor de
linguas slave al Universitate de Lund, Svedia, Lars Steensland ("RUSSO
es un lingua mundial in periculo"):
"In Scania (le parte sud de Svedia) russo ha disparite como lingua de
comenciante ab le agenda in omne gymnasios. Pejor es que illo non plus
functiona como lingua commun in Europa del Est".

In "Panorama 1997:3" dr. Ferenc Jeszenszky fortemente seprotestava
contra le idea de russo como un lingua commun de paises de Europa del
est ("RUSSO NON FUNCTIONAVA"):
"... ille es totalmente prejudicate in favor del imperialismo sovietic.
... il es offensive dicer que nostre
statos era 'statos satellite'. Ma nostre statos era occupate contra lor
voluntate e dirigite per governamentos de pupas imponite con violentia
per le Union Sovietic. Illos era e debe esser nominate solmente 'statos
occupate'.
Il non es un mal que le lingua russe non functiona como lingua commun in
Europa del Est - proque illo nunquam functionava. Io poteva ben
communicar in le statos vicin in germano, in anglese, in hungaro, ma
nunquam in russo. In le scholas le russo era obligatori, ma nemo lo
apprendeva.
1) On sentiva un antipathia profunde contra le lingua del occupatores
barbaric. 2) On non poteva usar lo. Non solo in le paises vicin, le
problema le major era que il habeva nulle litteratura in russo que
haberea valite le pena de apprender le russo pro leger lo. Apprender le
russo pro poter leger le obras de Stalin o le "Terra parve" de Brezhnev?
Excepte un parve gruppo de collaboratores le lingua russe era in le
statos occupate toto inutile.
-- Ferenc Jeszensky, Budapest, Hungaria."

Il es comprendibile que le hungaros non multo amava le russos durante le
occupation. Le terror de Stalin era terribile, como anque le brutal
attacco per le armea sovietic in Budapest in 1956 con assassinos de Imre
Nagy, le prime ministro de Hungaria e colonello Pal Maleter, qui
negotiava pro armistitio, ambes in violation flagrante contra le
justitia international. In 1848--9 quando Hungaria quasi attingeva su
libertate in le guerra de liberation contra Austria, le tyrannos de
Vienna era salvate per un armea russe de marechal Paskevitch.

Paradoxemente, ben que le russos ha occidite multo plus finlandeses que
hungaros (in 1939--44 plus que 100 000,
comparate pro capita il corresponderea 5 000 000 occidite e 15 000 000
feritate soldatos american ...!) le russos non son multo odiate in
Finlandia. Ma quasi necuno studia russo etiam in Finlandia ben que
Russia sera e es un pais multo importante pro Finlandia economicamente.
Un grande obstaclo es le alphabeto russe ("le kyrillitsa") e le plus
negotios russe parla anglese bastante ben.

-----------------------------------
Le conferentia de finno-ugrianistas
-----------------------------------

Ma in le conferentia de finno-ugrianistas durante isto estate in
Finlandia le lingua official del conferentia era
russo! Multe linguistas finno-ugrian sape russo. Omne populos
finno-ugric ha essite sub le occupation de Russia o del Union Sovietic.
Hodie solmente tres nationes finno-ugric son independente: Hungaria,
Finlandia e Estonia, i.e. ca. 15 000 000 a 16 000 000 de 25 000 000
finno-ugrianos. Le numero de varie populos finno-ugric es grande, ma
multe de illos son parve:

Hungaros
Finnos
Estonianos         Independente
-------------------------------
Maris (mordvanos)     In Russia
Votyakos
Tcheremissos
Syrja"nos
Carelianos
Ostyakos
Vepsa"nos
Vogulos
Inkerikos
Lapponos (saamis)
Vatyanos

Possibilimente le numero de maris es hodie plus grande que
lo de estonianos, perque multo estonianos moriva per le guerras e per le
occupation sovietic.

Un hungarian participator del conferentia diceva in interview per le
television finlandese que illa era primemente consternate quando illa
audiva que le lingua official del conferentia esserea russo, le lingua
del oppressor de omne populos finno-ugrian. Ma illa continuava que illo
tosto realisava que le russo era le plus practical lingua, perque omne
delegatos de territorio russe poteva parlar russo e etiam multe del
linguistas de statos libere.

Le television finlandese anque demandava un participator russe que qual
pensava ille in le conferentia como un
representante de "cruel oppressores de omne finno-ugrian
nationes". Ille responsava que le russos ipse ha suffrite plus que
alicuno altere de terror del czares, Stalin etc.

------------------- Ferenc Jeszenszky -------------------
... le problema le major era que il habeva nulle litteratura in russo
que haberea valite le pena de apprender le russo pro leger lo. Apprender
le russo pro poter leger le obras de Stalin o le "Terra parve" de
Brezhnev? ...
---------------------------------------------------------
Dr. Jeszenszky obviemente voleva dicer del litteratura
moderne. Le litteratura classic russe es ja le plus famose, e.g.
Dostoyevski, Gogol, Gontcharov, Lermontov, Pushkin, Tchehov, Tolstoi,
Turgenyev ... a mentionar solmente autores cuje libros io ha legite. De
autores del isto seculo io ha legite Mayakovski (e.g. le poema "Le
passaporto del Union Sovietic"), Sholohov ("Le Don silente"),
Tchernyshev-Zhenski ("Le penetration" [Del general Brusilov in 1916
contra le austro-hungarianos]), Furmanov ("Tchapayev").

In Biblia es scripte: "Il non existe un muro tal alte
qual un asino con cargo de auro non poterea superpassar".
Io crede que si Russia esserea un pais de "HI-TECH" e
multo ric como le SUA, le hungaros, finnos etc. volerea
apprender le russo nonobstante qual multe hungaros e
finnos illes haberea assassinate in le historia. Le germanos assassinava
un colossal numero del polacos
(apro dicer nihil del judeos) e serbos ma multe
ges (ge = viro + femina) del ambe populos vole mover se a Germania e
dicer germano.

----------------------------
Le conferentia del slavistas
----------------------------

In Helsinki colligite se 900 slavistas ex Scandinavia,
le altere paises de Europa, Russia e SUA. Secundo le
jornales le plus famose participatores era Mihail
Gasparov e Yuri Apresyan de Moskva e Henrik Nirnbaum e
Henning Andersen del Universitate de California in
Los Angeles.

Amicalmente

Allan
Un finno-ugriano fanatic

P.S.

Un poema de Mayakovski traducite a finnese:

Ahmaise ananasta,         Devora ananas,
hotkaise pyy!             ingluti perdice!
Loppusi, porvari,         Tu fin, burgesia,
la"hestyy ...             se claudea ...

(a" = a umlaut)

Allan
Un representante typic del bourgeoisie petit