Car Javi,
Il esseva io qui mentionava le libro
Loom of Language. Il me place que
tu anque lo encontrava de interesse.

In quanto a tu longe message in anglese,
malgrado su interessante thema, e io
sape que nos ha alcun amicos qui ha
un opinion multo similar a illos trovate
in le articulo, le problema es que illo es
multo longe e in un lingua altere que
Interlingua. Forsan tu poterea in le
futuro solmente inviar un parve mention
del articulo con un ligamine a un pagina
ubi on poterea leger lo. Assi le amicos
qui es interessate pote visitar le adresse
e illes qui non vole reciper articulos longe
ab le lista, e specialmente in anglese,
non essera ennoiate. In particular nos
ha un amico qui usa un systema de Linux
o Unix sin un "GUI" e qui non vole
reciper grande articulos per le lista
ma ille es multo interessate in le
conversationes del lista. Assi que io
te peti, pro le alteres, que le proxime
vice tu invia nos un ligamine e un parve
description del articulo in vice. Isto
esserea multo appreciate per alcunos
del amicos in le lista.

Ma io debe anque dicer que il es un placer
haber te hic con nos in le lista e que io
e sin dubita altere amicos vole saper
plus de te e como tu trovava interlingua.

Con salutes amical sempre,
Jay B.
2005/7/10, Javi López <[log in to unmask]>:
>
> Salute,
>
> Io prendeva iste articulo de un foro e io invia vos lo proque io pensa que
> iste articulo es multo interessante:
>  [...]
>


-- 
    
--
    
[log in to unmask]

=====================================================Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
=====================================================Visita le sito official del Union Mundial pro
Interlingua:

  http://www.interlingua.com/
=====================================================