> Io esagera? Forsan. Ma iste situation es vermente enoiante. Si on vole
> disputar, face lo privatemente: il non ha necessitate pro alteres de
> leger idiotitias.
>
> Le plus un communitate es grande, le plus illo besonia regulas :(
>
>
> Daniele
Car Daniele,
Quando duo annos retro initiava usar interlingua, le lista INTERLN era plus
calme, il habeva possibilitates de usar iste belle lingua sin nimie
problemas, e io apprendeva multe cosas non solmente a nivello grammatical,
ma multe novas de altere culturas e linguas. In summa: interlingua functiona
multo ben!
Hodie iste situation es multo cambiate, il ha multe personas qui non scribe
in interlingua, que ha solmente le desiro de criticar lo, de destruer lo.
In duo annos de interlingua io non ha cognoscite multe personas qui vole
realmente apprender e studiar iste lingua, ma crear solmente confusion.
Io continua dicer que interlingua non es un lingua facile e simple, ma que
necessita de tempore, studio, practica, ingagiamento assidue. Al prime
difficultate, tosto on va criticar, destruer, o alicunos vole cambiar,
modificar, adder, simplificar, crear, alterar, mutar secundo su proprie
desiro o cognoscientia.
Io ha notate isto proque io chattava con le habilissime chinese LI, ille es
multo confuse inter interlingua, romanica, e tote le altere projectos
linguistic o pseudo-linguistic. Io es vermente surprendite de su capacitate
linguistic, ille ha apprendite interlingua solmente in poc dies e io spera
que ille va continuar con le mesme voluntate.
Io ipse non scrive multo in iste lista nam il ha solmente confusion, trolls,
gnomos, spiritos maligne, elfes e tote le esseres del mundo phantastic
tolkenian!. Illo
pare esser in un bazar infantil: "Le mie es plus bellle que le tue!, Le mie
es plus facile que le tue!", "Tu es traitor, ma io es amico de ille!", etc.
Io es secur que tote le gentilhomines de iste lista pote e vole bassar le
tono de lor discursos!
Cosa nos pote o vole facer de iste lista?
Io es de accordo con le limitationes; le "netiquette" es semper le
benvenite! Supertoto quando le situation deveni semper plus chaotic!
Luca Ghitti
|
