On Jan 6, 2008 12:50 PM, jasef harb <[log in to unmask]> wrote:

>   Le projecto io non lo vide multe optime nam le Latin es un lingua satis complicate.

Regrettabilemente, in nostre dies multes in multe locos del mundo
"insenia" le latino como un cosa (e non como un lingua como alteres)
multo plus complicate que illo realmente es, e illes face que le
latino appare ante le oculos del juvenes (postea homines con
"postjudicios") como un tormento composite de estranie combinationes
de elementos morphologic, un ordine "inverse" del toto, e que non pote
esser comprendite sin lo que io appella un "harakiri grammatic" del
texto, que pare mesmo impossibile que illo in un momento del historia
era parlate e que... certemente, on non apprende.

Ma bon methodos producerea (illos jam produce ubi on los usa)
resultatos differente.

>   Un nove latin (moderne) serea melior e.g. Interlingua ;)

Io non crede que le uso de un lingua es incompatibile con le uso de un
altere. Toto apporta beneficios didactic e personal si on los vole
haber.

Rodrigo

--
Archivos e disabonar: http://listserv.icors.org/archives/INTERLNG.html