Stanley Mulaik wrote:

>Es  aquello  le anglese?  In un  certe senso, si!  E io crede  que
>milliones pote comprender lo immediatemente a prime vista.
>
>Illo es le anglese international!
>
>Isto certemente va provocar Allan Kiviaho al paroxysmos del
>consternation!  :-).
>
Ego ha mi optime pensatas quando ego vade per le Silva Urban. In le
ducha le aqua es troppo frigide pro permitter - a me - pensatas elevate.
Nonobstante. Le idea es interessante e ha essite expressate in varie
linguas auxiliar. Considera pro exemplo interlingue (occidental) e anque
esperanto e ido le quales non ha postulatos de esser "coherente" ha pro
exemplo "old(a)" que es claro anglese ben que illo anque existe in
formas obsolete o cambiate anque in scandinavo.

Interlingue etiam ha "it" del anglese e non - como ego haberea expectate
- id (del latino).

Quando ego lege textos anglese ego observa que in litterari lingua on
pote usar un multo latinate vocabulario. In su libros de Harry Potter,
J. K. Rowling pote quietemente usar le parola "amble" (ambular) in loco
de "walk" etc. Il es clar que on ambula inn un particular maniera, ma il
ha le stilo romanic e le stilo plus anglo-saxon.

Ma ego non crede que on poterea vender le idea al estranieros. Illes va
preferer usar le ver anglese. Il es clar que ego pote imitar un anglese
parlate per un svedese, ma quando ego proba scriber le ver anglese ego
facera certo errores le quales ego ipse non discopera!

Ma il es un bon idea in isto que illo pote indicar lo que un usator de
interlingua debe explciar si ille usa interlingua pro communicar a
anglofonos!

Il ha un massa de satis original latino in le anglese. E ille forma del
latino ha largemente contribuite a interlingua.

Pro un persona qui sape un poco del linguas fonte de interlingua (lege:
como ego!) parolas como "puero", "granito" e "deficit" es inattendite!

Amicalmente

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================