Kjell ha scribite:
>Secundo un altere exprofessor svedese le ver fundator del christianismo
>era Paulus! Ille - secundo le ex-professor - fundeva su mission sur
>narrationes de un ducente e didactico in le antic Palestina.
>
>Debe ego mentionar que su ideas del professor era fortemente criticate
>del latere del ecclesia svedese? :-)

Io opina que il habeva multe fundatores del christianismo. Claro, Paulo
esseva uno de istos. Evidentemente le apostolos habeva cata un lor
proprie adherentes e scripturas.

Le Evangelio de Johannes scribite post le altere evangelios in le
Nove Testamento esseva le prime a dicer que Jesus es Deo qui ha
venite a promenar super le terra, e on debe creder in ille si ille
essera salvate.  Marco, le prime evangelio, sequite
per Mattheo e Luco, es  multo similar, e es appellate le evangelios
synoptic. Illes non dice que Jesus es Deo.  Assi le Evangelio de
Johannes es le fonte de iste principal conception theologic del
christianismo,  e Paulo ha dicite alque similar.

Lo que me interessa es le Apocrypha, le  libros excludite del
Nove Testamento per le episcipos del Ecclesia Roman in circa
327 c.e..

Le Evangelio de Thomas es uno de istos. Illo esseva scribite, opina
le scholares historic, circa le mesme tempore como le evangelio
de Marco.  Illo contine solmente le dictos de Jesus, e le si-nominate
autor es 'Didymos (gemino) Judas Thomaso'.  Mais alcun scholares
crede que le idea es que isto es un dialogo inter Jesus e su gemino,
le lector.  Jesus dice que non solmente es le divin in ille mais equalmente
in tu, le lector.  E in isto ille e vos es geminos.  De facto le divin is
in tote partes.

"Th. 77: Jesus diceva, "Io es le lumine que es super tote cosas. Io
es toto: de me toto ha venite foras e a me toto es attingite.
Finde un pecia de ligno; io es la.
Leva le petra, e tu va trovar me la."

"Th. 92: Jesus diceva, "Cerca e tu va trovar"

"Th. 94: Jesus diceva, "Uno qui cerca va trovar, e pro [uno qui colpa]
illo essera aperite."

"Th. 70: Jesus diceva, "Si tu produce lo que es in tu, lo que tu possede
va salvar vos. Si tu non ha aquello in tu, lo que tu non ha in tu va
destruer te."

"Th. 108: Jesus diceva, "Quicunque bibe de mi bucca va devenir como
me; io mesme va devenir aquelle  persona, e le cosas celate va esser
revelate a ille."

"Th. 113: Su discipulos diceva a ille: "Quando va venir le regno?"
  "Illo non va venir per vigilar pro illo.  On non va dicer, 'Ecce, aqui!'
  'Reguarda la!' Plus tosto, le Regno del Patre es extendite super le
  terra, e le gentes non lo vide."

Alcun de iste dictos de Jesus me  rememora de koanes del buddhistas
de zen.

"Th. 89: Jesus diceva, "Proque tu lava le exterior del cuppa? Esque tu
non comprende que le uno qui faceva le interior es equalmente le uno
qui ha facite le exterior?"

Un  altere libro del Apocrypha es le Evangelio de Phillipo. Le scholares
dice que isto es un exemplo del christianismo gnostic.  Illo es plus un
narration e esseva scribite in circa 180-250 c.e.. In illo nos lege iste
interessante passage:

“E le companion del Salvator es Maria Magdala. Mais Christo la amava plus que
tote le discipulos e sovente ha basiate la super su bucca. Le resto del
discipulos esseva offendite per illo e ha exprimite disapprobation. Illes
diceva a Ille, ‘Proque vos la ama plus que tote de nos?’ Le Salvator ha
respondite e ha dicite a illes, 'Proque io non vos ama como la? Quando un
homine cec e un qui vide es ambe insimul in le obscuritate, illes non es
differente del un le altere. Quando le lumine veni, alora ille qui vide va
vider le lumine, e ille qui es cec va remaner in le obscuritate.’” E in un
altere verso del Evangelio de Phillipo il dice: “Il habeva tres qui semper ha
promenate con le Senior. Maria su matre e su soror e Magdala, le un que
esseva appellate  su companion. Su soror e su matre e su companion  esseva
cata un, un Maria.”

E il ha un Evangelio de Maria Magdala.  Isto esseva scribite in circa 120-180
c.e.

In le  Evangelio de Maria il dice: “Petro diceva a Maria, “Soror, nos sape
que le Salvator te amava plus que le resto de feminas. Dice nos le parolas
del Salvator que tu rememora - que tu sape (mais) nos non sape, ni ha
audite.’ Maria respondeva e diceva, “Lo que es celate de vos, io va proclamar
a vos.”

Iste citationes es alcun del base del theoria que Dan Brown presenta in
su romance mysterio, "The DaVinci Code" (Le Cifra de DaVinci).

Io  ha legite un pagina in le web in que su autor presenta le theoria que
le ver autor del Evangelio de Johannes esseva Maria Magdala.  Ille crede
que le communitate de adherentes de Maria ha findite quando le
ecclesia in Roma ha declarate su scripturas esseva gnostic e heresia.
De facto, le episcipos non voleva que feminas ha positiones de autoritate,
e le communitate de Maria ha credite que illa esseva le discipulo le plus
amate
de Jesus, date su secretes.  Alora un gruppo de su adherentes voleva
junger le ecclesia orthodoxe, e  illes ha redacte lor libro per Maria e ha
dicite que illo esseva scribite per un Johannes de Zebede.

Nota que a John 25 il dice que stante al pede del cruce al crucifixion
esseva Maria, le matre de Jesus, Maria, le soror del matre de Jesus, e
Maria Magdala.  E il dice "Quando Jesus videva su matere *e le discipulo
qui ille ha amate* stante proxime, ille diceva a su matre, 'Ecco, tu
filio!' Alora ille ha dicite al discipulo, "Ecco tu matre!" E de aquelle
hora le discipulo prendeva la a su proprie casa".   Le evangelio alora
describe in detalio como le soldato ha penetrate le corpore de Jesus
con su lancea, como si ille esseva immediatemente la a vider. Que esseva
al pede del cruce?  Le tres Marias. E qui esseva le discipulo qui Jesus
ha amate?  Maria Magdala.  E qui esseva le prime plus tarde a vider
le Jesus resurrecte? Maria Magdala.   E a John 21:20 "Peter ha tornate
e ha vidite sequente les le discipulo qui Jesus ha amate, qui ha ponite
su capite super su pectore al souper e ha dicite "Senior, que es illo
qui va trair te?'  Quando Petro videva le, ille ha dicite a Jesus, 'Senior,
que
super iste *homine?'  Jesus ha dicite a ille, "Si il es mi voluntate que ille
remane fin a io veni, que es aquello a vos? Seque me!"  Le dicto ha
diffundite se foras inter le fratres que le discipulo non esseva a
morir; totevia Jesus non ha dicite a ille que ille non va morir, mais, "Si
il es mi voluntate que ille remane fin a io veni, que es aquello a te?"

"19:24: Isto es le discipulo qui da testamonio a iste cosas, e qui ha
scribite
iste cosas; e nos sape que su testimonio es ver."

Con alcun minor cambios in pronomines, le discipulo qui Jesus ha amate
ha devenite un homine e non un femina.  Mais qui esseva Johannes de
Zebede?  Le autor de iste theoria dice que in realitate ille esseva le
mesme como Maria Magdala, le discipulo qui Jesus ha amate.  E solmente
per devenir un homine al manos de iste redactors es su evangelio acceptate
per le Ecclesia. Un theoria interessante!

Excellente fonte de textos del christianismo primitive a "early Christian
writings".  Cerca equalmente "Nag Hammadi" e "gnosticism", "Elaine
Pagels", "Mary Magdalene".  Vide equalmente:
http://members.tripod.com/~Ramon_K_Jusino/magdalene.html

Io non crede que alcuno pote saper per documentos historic exactemente
qui esseva Jesus. Cata autor ha vidite con su proprie oculos de su
proprie perspective, sovente multe annos post le morte de Jesus,
e ha o scribite de memoria, o secundo le memorias de alteres.  E nos
obteni multe opiniones. Lo que es interessante, dice Dr. Elaine Pagels a
Princeton, es que il ha un tal varietate de perspectivos super Jesus
mesmo al principio del christianismo.  Le ecclesias qui pretende que
illes ha le sol veritate como Jesus ha inseniate lo,  non ha alcun
base historic pro tal pretensiones.  Illos es solmente unes de multe
perspectivos presente in le documentos historic al principio de
christianismo. Jesus es ille qui tu face de ille.

Stan Mulaik