Car amicos,

        Io trova que regrettabilemente ja quasi  il non ha mesaggios ci. Io
ha legite que isto forsan es proque ci il ha multe discussiones linguistic.
Io pensava que Interlng era pro omne typos de discussiones, ben pro exprimer
mi dubitas super interlingua e assi practicar lo, como para excambiar ideas
e commentarios. Interlng me ha adjutato multo a apprender e comprehender
interlingua. Io vos pote dicer que ora io sape que io ama interlingua e que
io vole adjutar a su difussion...

        Io me demanda: Que tanto poter ha le UMI? Io sape que le UMI
travalia multo pro facer de interlingua le lingua de Europa, ma penso que il
campo politic sempre es multo dificile. Il non serea mal idea tractar alco
in le campo popular. Forsan le UMI pote contactar un cantor famoso como le
italianos Eros Ramazzotti o Laura Pausini (qui non haberea problemas pro
pronunciar interlingua)? Si illos registra un cassetta (o al menos un canto,
o un paragrapho) in interlingua, io es secur que toto Europa e America
Latine presto sapera de interlingua... Es isto un sonio? Potesser, ma on
dice in Mexico: Il non ha pejor lucta que illo que non se face".

        Non quitar Interlng! E va travaliar tote nos pro Interlingua!

        Amicalmente,
                                A r t u r o

Il me placerea audir altere ideas e esser parte de toto iste movimento.