Como forsan vos rememora, io ha un appreciation particular pro ms 
Condoleezza Rice, e il sembla que anque le presente ministro italian pro 
le cosas estranie, sr Massimo D'Alema, participa al mesme sentimento, 
tanto que ille la appella "Condi" (io non sape si ms Rice appella sr 
D'Alema "Max"; nos lo appella "baffina" = parve mustachio).
Usque a hodie, io opinava que nemo in le Paises occidental poteva haber 
un opinion diametralmente opposite de ms Rice: ma pois io perveniva al 
pagina-casa (home page) de un webzine italian e legeva isto:
"...le doctrina Monroe esseva applicate ininterruptemente usque a 
anteheri, con le sustenimento de feroce dictaturas, illo continua con le 
assedio a Cuba (omissis) e continuara deman con le invasion annunciate 
de Venezuela.
.............................
Condoleezza Rice, le ministro pro le cosas Estranie american, un 
criminal cuje le homologe italian Massimo D’Alema veni de stringer le 
manos immunde de sanguine, ha prompte un plano de intervention. Illa e 
su complices del Casa Blanc e del multinationales /"made in Usa"/ lo 
prepara desde plure annos, como emerge ab le analyse que Salim Lamrani, 
recercator al universitate Denis-Diderot (Paris VII) e specialista del 
reportos S.U.A.-Venezuela, produceva in le dies passate pro Reseau Voltaire"

OK, io mesme non approba Guantanamo e le violationes del derectos 
fundamental.
OK, io non esseva de accordo con le invasion de Irak.
OK, sr Salim Lamrani sembla plus un membro de Al Qaeda que un experto de 
reportos sudamerican.
Ma il sembla que io (e Max D'Alema) perdeva le film que iste senores videva.
Que vos opina de isto? "Con Dolcezza" es un monstro? Anque in vostre 
Pais alcun opina le mesmo?

---
robocap
(fundator del association "que nemo tocca Condi")

--
Archivos e disabonar: http://listserv.icors.org/archives/INTERLNG.html