Stan, toto es bon con me. Io ha usate un poco de tempore pro discuter in le
lista auxlang in re occidental e pro isto io ha essite un poco silente,
forsan - al minus in interlng e le gruppos de notitia. Io usa al presente
un mac e pro illo io ha un altere lector que le qual io habeva pro mi pc e
io ancora non completemente sape como on lo usa. Gradualmente como le gutta
que perfora le petra io apprende como usar iste cosa.

Io vive alcun 10 kilometros del centrala nucleari de Forsmark. Io memora
ben le accidente a Tchernobyl. In le postmeridie le radio local de Uppland
interrrumpeva le programma e veniva un annuncio: "On ha notate altiate
radiation al centrala nucleari de Forsmark. Omnes es precate sequer
informationes futur!

E omnes pensava. Terribile nunc il ha occurrite un catastrofe. Verso le
vespere il habeva notitias que le fonte del radiation NON era Forsmark. Il
debe esser un loco plus al oriente. Nihil in Finlandia.

In le Union Sovietic de ille tempore on diceva nihil. Non al minus que nos
lo poteva audir.

Como io lo me recorda il era le compania Satellitbild /Picturas satellitari
in Kiruna al nord de Svedia quual poteva vider sur le picturas satellitari
que illes poteva abassar a Kiruna, que il era alque in un loco que se
appella Tchernobyl in Ukraina, ubi le fluvio Prepiat cade in le Kievense
Reservatorio Aquatic (Kievskoje Vodokhranilishche) secundo le mappa, que io
consultava pro esser secur.

Naturalmente le medios era plen de isto. Lo que determinava le radiation
era le casos de precipitation. Il faceva multo bon tempore in Uppland ma il
habeva pluvia plus al nord e ibi le silvas era contaminate. On non poteva
mangiar le carne de alces e capreolos durante un longe tempore. Uvas e
fungos era interdite.

Pro le populo sami (antea appellate lappones) le cosa era plus seriose
proque illes non poteva usar plenmente le carne del renes.

Durante plure annos il era multo parlar de Bequerelles e radiation e
contamination. In multe locos le prime estate post le accidente le vaccas
non era lassate in le verdura ma stava in su vacciles tote le anno.

Quanto era un reaction de panica e quanto era rational io non pote judicar.
Io pensa que omnes ageva multo radicalmente.

Personalmente isto me rendeva plus confidente in le energia nuclear ci in
Svedia in isto que on haberea potite non averter del radiation. Si le
autoritates svedese non habeva parlate il es multo possibile que nulle
haberea parlate si rapido. Quando on credeva que le radiation era in
Forsmark on diceva isto.

Del altere latere il ha riscos e le hasardias es quando toto pare normal.

Io es convincite que on cambiara le lege proque sensu stricto illo
interdice le recerca, mesmo quanto al deactivation del residuo.

On ha planos deponer le residuos in le petra sur un significante profundor.
Probabilemente on potera per le nove recerca jam si multo disactivar le
residuo que le problema essera plus facilmente solubile.

Nunc le autoritates demanda varie communas in locos ubi le terra es solide
e totes dice NO NONONONO! Nulle residuos nucleari apud nos! Esque on non ha
habite simile historias in le Statos Unite.

Forsan io ha le optimismo de un folle, ma io ha le sentimento que si il ha
un problema le tecnicos pote lo solver....

 Amicalmente



Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden