Mario Malaguti escreveu:

> Io lege con delecto le traductiones de Ensjo. Etiam in Angelos in le blau e
> in Un die sin te, il me sembla de leger italiano e italiano international, o
> mi dialecto de Treviso. Pro me interlingua es mi italiano, o mi dialecto con
> qualche variationes a pena relevate.

Ramiro, le tesorero del Union Brasilian pro Interlingua, me parla sempre de su
viages a Conferentias International de annos anterior, e ille me contava que un die
le gruppo de interlinguistas faceva le promenada touristic per le region del citate
conferential, e un italiano audiva le gruppo e commentava alco como isto: "Guai!
Como iste personas parla mal le italiano!!!" ;^)

> Io pensava de cercar le parolas interlingua plus simile a illos italian quia
> io es italiano e veneto de Treviso, ma io constata que Ensjo se comporta
> como me. (...)

Si. Per exemplo, io pensava a scriber "mesmo" in loco de "anque" in mi traduction.
Ma perque le parola italian era "anche", io decideva esser fidel al texto original.

> Al contrario de quanto on imagina (e scribe, o me scribe) in iste lista, io
> es amante del papiro imprimite e io ha tante, ma tante, papiro imprimite in
> me domo e in mi duo studios professional. Io non lege le e-posta al monitor,
> ma solmente in le papiro imprimite. Io trova iste plus reposante e plus
> gustante.

:^) Quanto curiose! Io solo imprime le e-postas in occasiones specialissime... Pro
monstrar pro mi fidantiata Rosana (Zjan), per exemplo, o quando le texto es troppo
longe ma importante, a fin que io pote leger lo quandocunque, distante del
computator.

> Ora io recipe le e-posta que scribe Ensjo in texto normal e completate del
> instructiones del typo HTML, TABLE, TR, TD et cetera. (...)

Io prepara alcunes de mi messages con formatation HTML (p.ex., mi traductiones,
perque io usa un tabula pro facer le diagrammation). Quando io los invia, mi
programma de e-posta invia messages con duo sectiones: un formatate e altere
non-formatate. Programmas de e-posta como Messenger (Netscape) e Internet Mail
(Microsoft), que succede exhiber HTML, selectiona le section formatate e lo exhibe,
occultante le section in texto non-formatate. Alcun altere lectores de e-posta face
le inverso. Ma alcun alteres non "comprende" le division in sectiones del toto, e
exhibe toto miscite un solo message. E isto pare esser tu caso, "purtroppo". :^(

Qual es tu programma de e-posta, Mario?

> Pro me ha ration Jay Bowks: "Tunc le plus curte le lineas le plus facile e
> le plus rapide que on pote leger le message." On ha un norma que demandarea
> minus de circa 60 characteres pro linea e un texto de e-posta non se presta
> a mitter se in paginas. Illo non es justo su function.

De facto, le textos de Jay Bowks es optime pro leger al computator, ma del altere
latere illos consume troppo de papiro quando imprimite. Avantages e disvantages...

> Finalmente io ha le occasion de relevar que in le lista nos sovente cita le
> texto complete in replica. Es illo sempre necessari? (...)

Io mantene solmente le (partes de) paragraphos del posta original le quales io
commenta -- e elimina tote le alteres. (Observa alcun "(...)" in mi citationes.
Istos indica partes discartate.) Piet Cleij es multo plus economic: in su responsas
ille non cita le message original del toto.

Cordialmente,
--
   ENSJO : EMERSON JOSÉ SILVEIRA DA COSTA
Homepage : http://www.nautilus.com.br/~ensjo/
 UIN ICQ : 713833

INTERLINGUA - lingua auxiliar international
    Info : http://www.interlingua.com
  Brasil : http://www.nautilus.com.br/~ensjo/ubi/