Salute Omnes!
Martin narrava del preparationes del cantos natal que on face jam in le primavera in Quebec. In un scala international isto non del toto es un nova. Le Association International de Sancta Nicolaos (o Patres Natal si vos prefere) habeva un incontro - in Copenhagen - jam in le estate iste anno, si mi memoria me non es un traditor! Io non sape si il ha UN pais scaninave que NON allega que justo ISTE pais es le loco original del Patre Natal.

Steve Avey, tu ha naturalmente ration. Forsan justo isto que le traditiones de natal in le Statos Unite antea veniva de altere paises, los rende si facile de quasi retroadaptar in le paises de Europa. Ci in Suedia on canta cantiones de natal anglese, Christmass Carrols (io non ha un corrige orthographia con iste programma). Iste narration natal del qual tu parla non es de Dickens, o que? Io cognosce nebulosemente A Christmas Carrol de Dickens. Isto ha etiam essite presentate in nostre television e il me pare que io lo legeva in le schola.

Multe grande scriptores - evidentemente in multe paises - ha scribite in re natal in ille paises ubi le natal es un festa importante.

Il me sembla que in paises catolic le pasca es plus importante. Forsan isto se cambia lentemente pro le influentia del culturas del nord (le euroamerican).

August Strindberg scribeva un historia de natal pro infantes e il ha certo plus de tal exemplos.

On pote naturalmente conducer un longe discussion in re nostre imagine de America Nord via le television e le films. Forsan io succedera facer un enunciation in iste tema.

Kjell R.