I-GI wrote:
>
> >Il es un sociologicamente interessante cosa que nos ha plure membros in le
> >paises scandinave et Nederland ma multo poco interessatos in Germania. Et
> >Sudeuropa ha circumstantias del quales ego ha un pictura multo non-clar.
>
> Le pensamento ha un error de fundo: illo de continuar a pensar al varie
> paises e tractar un lingua que nos vole international.
> (...)
Isto depende. Pro communication, o lo que es simile a communication, nos pote ben
considerar usar interlingua internationalmente pro demonstrar que illo es viabile
como medio de communication international.
Le pensatas in specificos national debe esser restringite al metodos per le
quales nos pote propagar le lingua in varie paises, quando il se tracta de
arrangiar cursos, medios didactic, societates local o regional etc.
> Totevia, prende un numero de Panorama, libera lo de su veste modeste actaul
> que non rege le confrontation con un gazettetta parochial, e con un sol
> parte de illo construe un pagina pro le major gazettas in Europa. A iste
> pagina, un pagina del dominica per exemplo, proba a abbinar 60% e plus de
> publicitate pagante, presentate in interlingua. Propone iste pagina al
> pressa per le medio de un agentia europee de publicitate. Cambia le
> insertionistas (annunciatores) pagante e propone le mesme pagina in le
> Americas.
Lo que on eventualmente poterea facer es colliger moneta et publicar un integre
pagina in interlingua in alcun grande jornales europee. Le precios es
exorbitante. Un annuncio de approximatemente iste contento:
"INTERLINGUA
Cursos in Interlingua al Collegio popular de Löftadalen, Åsa, proxime a
Kungsbacka, es arrangiate le 26 - 28 de julio 2000. Contacta pro plus de
information Cellus Purfluvius, 018-50 22 35 o per posta electronic
<[log in to unmask]> "
costa circum 1500 SEK si tu lo insere in un jornal svedese. Considera que 1
Dollar SU nunc costa circa 9,40 SEK.
Nunc ego voleva saper quanto costa un annuncio de un integre pagina in un del
plus grande jornales stockholmense, ma sin successo. Il certo habeva in le rete
informationes in re annuncios, ma quanto on debe pagar non es scripte.
Le avantage facer un annuncio in interlingua et non in un lingua national es le
swquente: Si on face le annuncio in interlingua on capta le interesse de ille
personas qui vermente comprende interlingua. On non debera filosofiar con
personas qui non ha le comprension de que es interlingua.
Lassa nos - pro le discussion - supponer que le UMI loca un annuncio in
Frankfurter Allgemeine Zeitung in germano. Un massa de personas se annuncia et il
habera necuno (nulle persona) qui pote informar et producer cursos. Lo que nos
pote offerer es troppo parve, in mi opinion. Ma si nos publica in interlingua nos
attinge ille personas qui jam sape le lingua et nos pote laborar con illes.
Le problema si on face un fundo de campania pote esser que certe paises vole
taxar un grande accumulation de moneta, et on debe locar le moneta in un maniera
secur del furtas del fisco statal et secur que le personas qui es incargate del
moneta non lo prende in su proprie tasca et se move a latitudes plus agradabile
quam le nostre boreales.
Un pagina total in, pro exemplo, Svenska Dagbladet que es un jornal stockholmense
costa 250.000 SEK.
Si, per consequente 250 personas da 1000 SEK on ha jam un pagina pro plenir.
Ma le question es, secundo un amico mie qui labora con immercatisation, que vole
on attinger per un annuncio. Le idea que Interlingua sia vidite es un scopo
troppo tenue.
> Que serea isto? Phantasia?
> No! Isto sera le initiativa del Paises Europee que ha personas qui crede in
> un lingua auxiliar, facile, possibile, jam existente in le alteres linguas.
Il ha anque, dice mi amico, un differentia in reclamar un auto et reclamar
interlingua. Il non ha un besonio de interlingua, ma quando un persona trova que
ille ha pecunia et senti le necessitate poter viagiar plus confortabilemente,
ille va cercar le annuncios pro autos.
Ma qui vole leger in re interlingua? Et que pote on promitter a ille?
|
