SCENA 1:  Le officios de Geneva:  Martijn Ockrente e
Olivero Rossi, post audir le nova del projecto
egyptian, es multo felice.  Illes parla con Catherina
sur le tempore e le loco de lor reunion le proxime
matino.  Catherina tunc vade via, e Martijn e Olivera
parla sur le projecto e le possibilitates de assecurar
le contracto pro Marex.

Martijn explica como a vices il es possibile eluder le
leges sur le publicitate e le offertas public, le
quales sovente non es tan public como illos appare.
Il es facile, ille dice, decider anticipatemente qui
va ganiar le contracto e dar a un compania preferite
multe tempore pro preparar su presentation, e un
insuffentia de tempore al altere applicantes.

Omnes es de accordo que il ha pauco que illes pote
facer durante iste parte del processo, ma Olivero vole
examinar le contos.  Catherina, qui ha retornate al
officio, rememora a Petro que illes va sortir pro
dinar e dice a Olivero que ille non debe travaliar
troppo iste vespere.

Olivero e Martijn se ride un pauco de Petro pro sortir
con Catherina e dice que ille debe cambiar a nove
vestimentos ante sortir con illa.

---

SCENA 2:  Geneva:  In un restaurante:  In iste scena
nos trova Petro e Catherina in un resturante ordinante
un repasto.  Petro deveni infelice quando ille
discoperi que on pote dansar solmente le venerdis e le
sabbatos.

Quando illes ordina lor repastos, Petro vole alique
calide, e ille se preoccupa que ille non va haber
assatis pro mangiar.  Ille ha multe fame.  Le garson
prende lor ordine.  Petro demanda si ille habera
assatis a mangiar.

Le garson le assecura que le portiones es multo
generose ma que ille potera haber un portion
supplementari si ille ha multe fame.  Catherina ordina
carne de cervo.  Ma le cocina non lo ha in iste
momento, e le garson suggere alternativos.

---

SCENA 3:  Geneva:  In le automobile de Petro:  In iste
breve scena Petro apporta Catherina a su apartamento.
Illa dice gratias a ille pro le repasto e le bibita
postea in un cabarert.  Petro offere apportar la a un
altere cabaret pro un ultime bibita, ma Catherina dice
que illa vole sentir se in bon forma le die sequente e
prefere vader directemente a su apartamento.

Petro essaya persuader que illa le invita pro un cafe
in su appartamento, ma Catherina obviemente non vole
riscar un incontro romantic iste vespere.  Petro tunc
suggere que illes sorti le proxime vespere, ma
Catherina non vole comitter se a ullo.  Illes dice bon
nocte e Petro vade via.

---

SCENA 4:  In le officios de Geneva e le hotel del
senior Chahine:  Omnes se trova in le officio preste a
partir pro le hotel del senior Cahine.  Martijn vole
informationes ex Petro sur lo que ille e Catherina
faceva le nocte anterior, ma Petro non dice ulle a
ille sur isto.

Catherina arriva.  Como su automobile es un pauco
parve pro quatro personas, Martijn offere portar
Olivero al hotel in su proprie automobile de maniera
que Catherina pote portar Petro illac in le sue.

Quando illes arriva al hotel, Catherina telephona
Mohammed in su camera pro notificar le que illes ha
arrivate, e illes ascende pro vider le.  Mohammed es
multo felice de vider Catherina, que ille non ha
vidite desde ante cinque annos.  Catherina introduce
Mohammed a su tres collegas.  Ille les invita in su
suite e tunc ordina cafe pro sex peronas.

---

SCENA 5:  Geneva, in le suite del senior Chahine:
Martijn explica a Mohammed le multe avantages del
systemas que illes pote offer a ille.

Mohammed vole saper si le parte administrative del
projecto consumera multe tempore, ma Catherina le
assecura que le quatro de illes pote facer progressar
le projecto multo rapidemente.  Martijn adde que illes
pote seliger inter multe optiones pro arrivar al
precios le plus basse.

Mohammed pare imprimite, e ille vole saper quando
illes potera producer un offerta detaliate.  Catherina
estima que illes habera besonio de unes octo a dece
septimanas e suggere que illes anque poterea prepara
duo o tres projectos alternative.

Illa dice que pro lor offerta illes habera besonio de
information como le costo de combustibile, le natura
del systema de electricitate local, e altere simile
cosas.

Catherina anque dice a Mohammed que illa e su equipa
non vole facer gratis omne iste travalio, e illa
essaya persuader le a dicer si finalmente illes
recipera le contracto.

Mohammed responde que ille ha demandate offertas de
tres altere companias e que le probabilitate que
Catherina recipera le contracto final es bon ma que
ille non pote promitter ullo.  Ma a causa de lo que
ille ha dicite, Catherina que il ha bon rationes pro
optimismo.

---

SCENA 6:  Geneva:  In un automobile e in le officio:
Post le reunion con Mohammed, Catherina, Petro, e
Martijn discute le possibilitates de obtener le
contracto.  Catherina es optimistic e crede que si
omne depende de Mohammed solmente, illes
probabilemente lo obtenera.

Petro essaya invitar Catherina a dinar con ille, ma
illa responde que il esserea melior non facer isto
proque Petro probabilemente vadera a Mexico.  Petro
vole saper si Alan Tanner anque ha habite un certe
influentia sur iste decision, e Catherina confessa que
isto es ver.

De facto, Alan telephona Catherina in le medio de iste
conversation, e Catherina dice que illa vole parlar
con ille in su officio.  Post isto, Petro decide que
ille definitemente vadera a Mexico.

Catherina essaya continuar lor conversation post finir
su conversation con Alan in su officio, ma Petro corta
le conversation, e Catherina es enoiate.  Illa tunc
vade via con Martijn pro comenciar lor travalio sur le
projecto egyptian.

__________________________________________________
Do you Yahoo!?
Yahoo! Tax Center - File online, calculators, forms, and more
http://tax.yahoo.com