Car Mario et Amicos,
Gratie pro vostre invitation:
> Car comenciantes de iste lista, ubi es vos?
.......
> Contribue al lista INTERLNG amicos
Io es multo occupate ora con problemas que debe
esser finite ad 1.Dec.2002; sed io crede que il es
possibile a usar cinque minutes con un storia del un
interview interessante, que io mirava heri vespera
tarde al television.
Io nunquam veniva hic con altere subjectos salvo le
discussiones re interlingua - lo que ha un altere sito
(quando io habera plus tempore io pensara ancora al
subjecto "gerundio"). Ecce un premiera!
In un studio particular de television, OTV, era
invitate Gheorghe Zamfir, qui es un grande musician,
non solo un naista genial (illo es un bon parola
"naista" ?) sed etiam un compositor talentate et un
organisator de grande concertos.
Iste meraviliose et celebre artista habeva un bon
fortuna, sed pois su declarationes con tenta mistic
contra le mafia musical, que domina ora le grande
festivitates del mundo (un musica decadente et
satanic!, i.e. ab Madonna, Michel Jackson, Prince) ,
ille esseva rejectate ubicunque ille voleva
interprender un manifestation musical. Inclusive in
Romania, ille non poteva haber un sol grande concerto
(tote le nababes romanian primarimente le promiteva
qualque et pois se retirava o invitava altere
artistas).
La lista negre functiona tanto efficiente que ille
(que pois le revolution offeriva multo ab su pecunias
a victimas et a povres) deveniva paupere. Ille diceva
in interview que cercava in van obtener un casa, ubi
poterea crear pro la cultura romanian ancora, sed nemo
ab le soveranos no lo acceptava.
Pois, pro viver, iste grande compositor comenciava
vender su picturas, lo que es un nove occupation pro
illo. Proque hic, in le dominio pictural, ille non
declarava algo contra necun pictor, ille poteva vender
ben su picturas (in Francia!).
Io esserea un pauc sceptico in le facie del
interview - illo pareva incredibile. Sed quando ille
esseva precate cantar, io pote dicer que lo que iste
artista exprimava con su nai, esseva un musica divin.
Si ille es un homine estranie, o si ille vide
realmente le veritate del musica actual, io non lo
sape. Sed su musica, como un susurro del angelos, me
impressionava multo et io spera que ille sera de nove
plus visible al publico.
Amicalmente,
Cristian
__________________________________________________
Do You Yahoo!?
Yahoo! GeoCities - quick and easy web site hosting, just $8.95/month.
http://geocities.yahoo.com/ps/info1
|
