Stanley Mulaik scribeva:

Como un americano statosunitese io es ambivalente.

Le historia de nostre nation ha le guerra civil de
1861-1866. Le Sud voleva seceder del union, e le  Nord
voleva stoppar les.  Le Sud voleva seceder pro continuar
de practicar le sclavitude e pro le independentia del
industrias del Nord.

Le ideal de autogerentia ha un elemento del democratia
in illo. Mais illo pote esser usate a justificar le
repressive regula de un é lite qui vole imponer lor
proprie valutas super un populo. Equalmente le un que
vole retener le 'union' vole imponer lor valutas super
toto.  Io crede que le caso de Chechenia es multo
ambigue.  Le musulmanos possibilemente vole imponer lor
variante de wahabbiismo, que es contra le equalitate de
homines e feminas, super lor populo.  Le russos vole
retener le pais pro su ricchessas natural (que le
populo local equalmente vole).  Isto es un causa que
solmente le partitas dividite pote resolver, o
pacificamente o per le guerra. Il non ha clar indicationes
de qui ha le derecto moral superior, in mi opinion.

Cordialmente,
Stan

___________

Si, Stan, tu ha certo ration: le problema chechen es multo complexe: il ha
multe interesses in conflicto ibi, e multe causas a ille guerra: ethnic,
historic, religiose, sin oblidar le petroleo.

Como io lo ha dicite, io travalia con refugiatos, inter que il ha multe
Chechenos. Io constata le problemas psychologic causate per le situation in
Chechenia. Iste populo ha solo cognoscite depost plus de dece annos le lucta
armate, le citates bombate, le villages rasate, le crimines del unes e del
alteres.

Le Chechenos fugi ex lor pais. Il ha actualmente plus de duo milliones de
Chechenos refugiate in West Europa, isto es plus del medietate del
Chechenos. Sovente, le familias veni sin homine, marito, patre, o filio, le
qual ha disparite.

Quando personas veni a te e promitte liberar te e tu familia, que debe tu
facer? Io crede que le Chechenos ha solo iste alternativa: luctar o fugir.
Del altere latere, io pensa que il es plus tosto un absentia de
possibilitate de seliger, nam le Russos considera le Chechenos como
criminales (al minus eventual), e le partisanos les considera como traitores
si illes non involve se. In ultra, le juvene gente ha crescite in un
ambiente de guerra, e non memora plus lo que es un pais in pace.

Forsan le attentatoses debite a periculose activistas qui vole imponer le
lege islamic in le partes moslem del Caucaso; certemente illos es debite a
gente desperate. Io non vole excusar les, sed io spera que iste elementos de
reflexion potera, ex mi experientia professional, explicar un pauc ille
recente evento.

Amicalmente,

Loeiz.