In connexion con discussiones recente hic in Interlng io me permitte citar le sequente contribution ancian ab coollist.
- Bent
----- Oprindelig meddelelse -----
Fra: Bent Andersen
Til: interlingua-coollist
Sendt: 24. november 2005 10:51
Emne: [collateralista] Verbos de duple thema
(In connexion con questiones levate per Peter Kovacs)
Reflexiones non-autoritative:
1) Il es ver que interlingua como imaginate per IALA/Gode
non pote esser subordinate a "decisiones" de un autoritate
formal.
2) Il es ver que iste interlingua IALA de natura debe esser
multo liberal e pro isto concede al usator practic un grande
portion de libertate.
3) Il es anque ver que le Interlingua Grammar de Gode/Blair
pro isto, plus o minus parentheticamente, presenta
possibilitates optional. Un tal es exponite (con litteras
minus grande, e como "Nota") in § 97 concernente
"participios alternative".
Si on lo ama o non, on non pote asserer que es erronee
un phrase como "In le nove edition omne errores es
correcte". (= ha essite corrigite)
Nota tamen anque iste passage in le Appendice 1 (secundo
traduction preparate per Selehattin Kayalar):
"Il pote esser importante notar que le termino "secunde
thema irregular de verbos" como usate in iste grammatica non
debe esser permittite evocar le spectro de irregularitates
verbal characteristic del majoritate de linguas ethnic. In
Interlingua le secunde thema irregular de verbos ha nihil a
facer con le question de conjugation. Illo es un thema que
occurre in certe substantivos e adjectivos derivate ..."
3) Il es comprensibile que alcun interlinguistas, in prime
loco sudromanic, trova attractive tal participios irregular
familiar a illes. Pro alteres, p.ex. nos scandinavos, illos
es non-familiar e plus tosto constitue un complication
inattractive e mesmo un major obstaculo pro le recrutamento
de nove interessatos de interlingua. Lo que ha attrahite
multe scandinavos a interlingua es, ultra su naturalitate,
precisemente le relative absentia de excessive
irregularitates grammatical.
4) Pro alcunos interlingua es plus tosto un phenomeno de
interesse theoretic. Pro alteros prevale in practica le
question: "Qual variante de interlingua ha le plus grande
chance de esser globalmente acceptate e attraher
adherentes?" Io crede que isto explica le absentia quasi
total de "conjugation irregular" in:
- Exemplos illustrative in Interlingua Grammar (con
exception de illos plus parenthetic como in § 97).
- Omne textos de dr. Gode in su correspondentia,
traductiones scientific etc.
- Revistas presente e historic como Novas de
Interlingua, Currero, Revista de Interlingua, Panorama,
Lingua e Vita, Actualitates etc.
- Litteratura publicate in interlingua 1951-2005.
- Manuales de interlingua.
- Cursos arrangiate pro novicios e avantiatos.
Io repete: Mi reflexiones in supra non es "autoritari",
solmente expone mi considerationes e punctos de vista
personal.
Bent
------------------------ Yahoo! Groups Sponsor --------------------~-->
Help save the life of a child. Support St. Jude Children's Research Hospital.
http://us.click.yahoo.com/cRr2eB/lbOLAA/E2hLAA/9VOolB/TM
--------------------------------------------------------------------~->
Invia messages a:
[log in to unmask]
Pro disabonar le lista invia un message a: [log in to unmask]
Yahoo! Groups Links
<*> To visit your group on the web, go to:
http://groups.yahoo.com/group/interlingua-coollist/
<*> To unsubscribe from this group, send an email to:
[log in to unmask]
<*> Your use of Yahoo! Groups is subject to:
http://docs.yahoo.com/info/terms/
--
Archivos e disabonar: http://listserv.icors.org/archives/INTERLNG.html
|
