Grecia e Le Euro: Cinquanta Vias de Lassar tu Amante
Postate le 6 de junio 2012 per Ellen Brown

The problem is all inside your head she said to me
The answer is easy if you take it logically
I’d like to help you in your struggle to be free
There must be fifty ways to leave your lover.
–Lyrics by Paul Simon

Le problema es toto in tu capite a me illa diceva
Le  solution es facile si tu lo face con logica
Io volerea  adjutar te in tu lucta a esser libere
Il debe esser cinquanta vias a lassar tu amante.
-Lyricos per Paul Simon

Le euro pare esser un maritage de partners incompatibile. Un articulo
del 1 de junio 2012 in le UK Telegraph titulate "Proque le relation amorose
de Europa con le Projecto europee es finiente" reportava que duo tertie
de 9.000 respondentes pensava que haber le euro como lor sol moneta
esseva un error.

Pro Grecia, illo esseva un incompatibilitate tragic a parte del initio; 
e como multe dissolutiones del amor, illo realmente esseva super le moneta.  
Le Grecia es un juvene femina vivace catenate a un vetere homine tyrannic.  
Illa desira ardentemente esser libere dansar independentemente; mais
dissolution es difficile facer.  Faller in pagar su debitos fortiara la foras
del Eurozona e retro al emission de drachmas, e illa poterea esser
battate per speculatores in le mercatos del excambio extranee pro su
insolentia.

Fortunatemente il ha plure alternativos a un fede divorcio. Le tractatas
que liga insimul le 17 nationes es solmente alcun regulas, entrate  in
per le accordo mutual; e le regulas pote esser modificate o abandonate,
specialmente durante le crises.  Le BCE (Banca Central Europee) 
abandonava un litania de regulas pro salvar le bancas, e similarmente
le Federal Reserva  faceva assi pro salvar le Wallstreet in 2008. Le
regulas que pote esser modificate pro le  bancas pote esser modificate
pro le gentes e le nationes--non solmente Grecia, mais tote le altere
paises del eurozona que menacia le divorcio.

Paul Simon dice que il ha cinquanta vias, mais aqui es cinque alternativos
creative:

1.  Maritage Aperite: Retornar al Drachma sin abandonar le euro. James
Skinner, ex-presidente  del FEN (Fundation pro le Economica Nove in le Regno 
Unite), suggere que le governamento grec poteva commenciar le emission de
drachmas sin abandonar le euro.  Drachamas poterea esser reservate pro
le uso domestic pro pagar le budget governamental, emplear obreros,
construer le infrastructura e expander le servicios social. Ille scribe:
  "Grecia suffre  de un manco de moneta proque le sol fonte, le
moneta singule, ha dessicate se. Mais il ha necun lege que dice que
il debe haber solmente un moneta. . . . Per render capace le governamento,
controllate per le Banca Central, expender novemente create moneta
directemente in le economia, deviante via del sector bancari, le onere
del debito crescente national pote esser evitate. . . ."
Le programma pro crear un nove drachma grec, evitante le sector private 
bancari, poteva commenciar deman.  Su effecto immediate poner le
inempleate nove empleo.  Tote existente transactiones in euros pote
continuar como antea, toto separatemente del nove moneta. Le duo
monetas pote co-exister e functionar in parallel. . . . Le bancas extranee
continuara tractar in euros e altere monetas como sovente. Iste solution 
esseva usate succeditemente in Argentina quando su moneta collapsava
in 2001. Le governamento abandonava su debitos e commenciava emitter
su proprie  pesos argentine.  Tres annos pois un debito fallite de record
de plus que $100 billiones, le pais esseva ben super le cammino al recuperation.
Le exportos se cresceva, le moneta esseva stabile, investitores se retornava, 
le inempleamento se diminueva e le economia cresceva per 8 per cento pro 
duo annos.

2. Separate Contos Bancari: poner se in marcha le pressas pro imprimer le
moneta al Banca Central de Grecia.  In un articulo del 19 martio super
Cercar Alpha, George Kesarios observava que le banca central grec ha
le poter emitter plus que le drachmas.  Le BCE non es un banca ordinari: 
antie illo es un confederation de bancas central.  Cata banca central national
europee  pote in theoria facer le mesme specie de operationes como le
BCE e in ultra.  Le atavos del euro ha lassate multe fenestras monetari
aperite, que, si usate correctemente, pote solver le crisis del debito
europee in un multo breve periodo sin fundos de citatanos. Ille citava
le articulo 14,4 del Protocol super le Statuto del Systema Europee de
Bancas Central, que dice:
14,4. Bancas national central pote exequer functiones altere que aquellos
specificate in iste Statute si non le Concilio Governante trova, per un
majoritate de duo terties del votas execute, que istes interfere con le
objectivos del Systema Europee de Bancas Central.
   Aquello vole dicer que le Bancas Central National pote facer qualcunque
le Banca Central Europee pote facer--e mesmo cosas que illo non pote facer.
Le Banca Central de Grecia pote intervenir e comenciar le emission de
euros illo se mesme.
   De novo il ha precedente pro isto. Il esseva sub Articulo 14,4 que le
Banca Central de Irlanda esseva capace de imprimer 80 billiones de euros
como "adjuta urgente del liquiditate," e le Banca Central de Grecia se mesme 
jam ha imprimite 44 billiones de euros.
   Le governamento grec poterea imprimer euros, refinanciar su debito soveran, 
e pagar le interesse a se mesme, effectivemente eliminante le onere del interesse. 
Inter altere precedentes es le caso de Canada, que faceva se prestar dollars de 
su proprie banca central inter 1939 a 1974 pro fundar projectos de infrastructura 
e programmas social. Illo exequeva isto durante un periodo de vente-cinque annos
sin hyperinflar le moneta, accrescer le precios, o crescer le debito public, que 
remaneva basse e sustenibile.
   Il ha le question de si o non le euro poterea suffrer per le devaluation si altere
membros del Eurozona similarmente sequeva. Mais Kesarios nota le experientia
japonese, "ubi on pote imprimer, imprimer, e imprimer sin le valuta del moneta
essente devalutate (a causa de fluxos positive del excambios)."  Le euro poterea
esser equalmente elastic.

3. Le Divorcio: Justo lassa le altero.
Secundo le New York Times del 29 de maio 2012, le salvamento de 130 billiones de 
euros que esseva intendite dar tempore al Grecia es ora solmente dante servicio 
del interesse del debito.  Le "troika"--le BCE, IMF, e le Commission Europee--que 
tene tres quartos del debito, es sequestrante le fundos del salvamento que debe 
esser pagate de retro a se mesme, in pagamentos de interesse. Isto mermente va 
componer le debito a nivellos disastrose, sin un singule cento pro le grecos o 
lor economia comatose.

Ratas del interesse de obligationes grec de dece annos ha elevate se a proxime a
30 per cento recentemente.  Sub le regula 72, a 30% componite annualmente, le debito 
se dupla in solmente 2,4 annos.  Si le grecos non pote pagar le debito hodie
excepte per facer prestar se le moneta, como pote illes repagar le principio in un 
mer 2,4 annos?  A 30%, le grecos poterea pagar plus que 100% percento de lor
producto local brute in interesse.  Legalmente un contracto que es impossibile 
exequer es nulle.

Alexis Tsipras, leader del partito radical del sinistre, Syriza, que es ora in le
loco secunde in le parliamento grec, appella isto un "debito odiose," un
termino legal pro un debito national incurrite per un regno pro rationes que non
servi le interesses le melio del nation.  Un debito odiose sub le lege international 
non ha necessitate de esser repagate.

4. Appoio Sposal: Le Option del Banca Public
Si le divorcio es troppo extreme pro contemplar, le onore stropiante de interesse
pote esser relevate per usar le rata multo generose de 1% pro bancheros.
Articulo 123 del Tractata de Maastricht interdice a governamentos membros facer 
se prestar del Banca Central Europee, mais il face un exception in paragrapho 2 pro
"institutiones publicamente proprietari del credito"--alque que le Grecia va haber 
quando illo nationaliza su bancas. Illes pote allinear se al fenestre del BCE pro
le minimal rata bancari de 1%  e usa le fundos prestate a illes pro repagar le
debito national.
Recercator Simon Thorpe scribeva un littera al BCE e demandava si o non illes
facerea objectiones si un institution publicamente proprietari del credito 
facerea prestar se del BCE euros pro dar le governamento de Grecia pro repagar su 
debitos al mercatos financiari." Le BCE respondeva: Secundo le Tractata--que tu ha 
justo citate--tal institutiones proprietari publicamente de credito "essera date le
mesme tractamento per le bancas central national e le BCE como institutiones
private del credito." Il es le sol responsabilitate del bancas decider como usar le
moneta que illes ha facite prestate a illes del systema del banca central.

5. Le Dote:  Impone un Taxa de Transactiones financial.
Thorpe nota que le BCE ha emittite e prestate quasi un trillion euros al bancas
a 1% depois decembre de 2011--tres vices le total debito grec de 355 billion
euros.  Si bancas grec faceva prestar se moneta a 1% e comprava le debito
soveran grec, le debito pote esser pagate in dece annos solmente del revenues
de un multo parve Taxa de Transactiones Financiari (TTF) de 0.3%.

Imponer un pauc TTF super tote excambios financiari non solmente esserea un 
fonte lucrose de receptas mais prevenirea le attaccos del speculatores, ambe
super le novemente emittite drachma e le debito soveran de Grecia e altere
paises del Eurozona.  Le TTF ha jam essite introducite in multe paises. In
2011, il habeva 40 paises que habeva TTF in operation, rendente
$38 bn (€29 bn).

Ubi il ha un Voluntate, il ha le Medio.

Le problema es trovar le voluntate, specialmente dentro le leaders eurocratic
qui tene le redinas del poter, qui  pot'esser non vole un resultato amicabile. 
Le problemas marital de Grecia e le Eurozona resulta de un serie de regulas
arbitrari que esseva constatate per un accordo e que pote esser cambiate
per le accordo.  Mais como Mike Whitney manteneva in un articulo le 3 de 
junio de 2012 titulate: "Le Europa move plus proxime al 'bancatura' [dictatura 
de bancas]":

Iste gentes non se interessa in meliorar le economia del eurozona. Illes es
in un campania furtive a solidificar le poter del megafinanceros super le 
statos individual.  Pro evitar aquelle scenario terribile, le majoritate  popular
debe caper le redinas del poter. Il es proprie que Grecia, le loco natal del
cultura europee e democratia, es le foco del lucta contra le submission a
un classe elite de bancheros.  Grecia pote dansar de novo si illa pote liberar 
se.

  


--
Pro leger le archivos e pro modificar o cancellar le subscription:
http://listserv.icors.org/archives/interlng.html