STAN MULAIK wrote:

> Mario,
> >Mario qui non comprende le majoritate del Americanos.
>
> Nos americanos non comprende le majoritate de europeos
> qui fuma cigarettas.  Io crede que plus personas in
> Europa mori de maladias inducite per fumar le cigarettas
> in un anno que es executate in 10 annos in le Statos Unite.
> Vos ha systemas de dar le tractamentos medic liberemente,
> mais alora lor costo es augmentate per tote le maladias
> resultante de fumar le cigarettas.  Isto es immoral!
>
> ;-|.

Ha! Et que face le fabricantes de tabaco, hmm? Illes mesmo ci
in Svedia ingagia juvene damas de distribuer cigarrettas in le
restaurantes. Mi nepote (filia de mi soror) era approximate de
un interprisa qui voleva la proponer un tal travalio. Illa
habeva naturalmente negate. Le practica de distribuer
cigarettas pro attraher usatores es frequente in multe paises
europee, et intra et extra le UE.

Justo al die ego audiva in le radio national que on ha
introducite un lege secundo le qual il non essera licite fumar
in le restaurante. Non del toto!

Isto es interessante. In le 70's quasi omnes in mi travalio
fumava. Anque ego. Sed in le 80's nos omnes quittava iste uso
(o abuso, si tu vole).

Que le UE al mesme tempore que on da subsidios al cultores de
tabaco al mesme tempore que on non lice le uso de tabaco in
pulvere extra le confinios de Svedia (!) es un cosa estranie,
viste que le tabaco a pulvere es usate oralmente et il non ha
cosas como fumation passive.

Forsan le causa es que si on permitte le tabaco pulveric il
essera plus difficile imbraciar se. Que sape ego?

In le paises del nord del UE on fuma sempre minus. Solo le
daneses constitue un exception. Secundo le statistica le
daneses ha le plus curte tempore de vivir in le paises nordic,
ma a mi aviso isto monstra rationalitate del stato. In svedia
le humanos deveni sempre plus vetere, et le stato non sape si
le systemas de pension (emeritura in certe paises) potera
supportar tanto de senices.

Stan tocca un interessante aspecto. Esque on pote dicer que le
humano ipse es culpabile pro su maladias. Si alcuno fuma ille
non habera le derecto haber tractamento, es isto vermente
moralmente supportabile?

Como in le Biblia humanos sovente filtra le moscitos et devora
le camelos. On time le radiation ma non pensa sufficientemente
del facto que in multe edificios in Uppsala, construite de
petra, il ha significante percentages de radon, un gas que non
es multo salubre si on non administra le necesse cambio de
aere in le appartamento.

Ego ha legite con stupefaction del statos gubernal del Statos
Unite que ha tirate le fabricantes de tabaco ante le tribunal
pro haber inducite le mal habito al humanos. Il ha anque
essite simile casos in Svedia.

Le situation actual es que in cata restaurante il ha un
departemento pro fumatores et - multo plus grande - pro
non-fumatores.

Juvenas fuma plus que juvenos.

Ego nunc cognosce multo poc personas qui fuma.

Non-fumantemente

Cellus, un ex-fumator