Il pare que mi enthusiasmo re le discargatas de Babylon esseva un poco - ma
solmente un poco - exaggerate. Probabilemente on non ha discargata 4000
exemplares de IED inter le 22e e le 24e de novembre. Mermente on ha
actualisate le numeros aliquando inter celle dies. Le actualisation non es
automatic, contrari a mi assumption.

Nonobstante, io non dubita le figura de 30.000 discargatas/abonatos desde
29.sept.2000. Pois que le IED ha ascendite le lista, de maniera que cata
visitante a Babylon.com lo vide, un discarga in massa es inevitabile. E
isto va mantener su position proxime del capite del lista. On non debe
attender que cata discargator/abonator devenira un adepto, mesmo un
interessato in interlingua. Ma mesmo un basse procentage de plure dece-
millenas importarea multo pro un parve movimento como le nostre.

Quanto al figuras pro www.interlingua.com, io opina que Mario ha ration. Al
initio, le contator contava cata "hit" (colpa?) sur le sito, mesmo
reactualisationes. Isto dava un false impression optimista. Hodie le
contator pare esser plus conservative e plus digne de confidentia. Si isto
vale, le augmentation apparente in le numero de visitantes *subestima* le
ver augmentation.

Es ver que un centena de visitas cata die non es multo impressionante si on
lo compara con le grande sitos commercial, que sovente recipe milliones de
visitas pro die. Como sempre, le facto central es le direction de cambio.

Amicalmente,

Chris

Amicalmente,