Peter Kovacs (pron.: Kovaatch) wrote:

> No; isto es justo un bon exemplo: illo es le plus famose canto hungare in
>
>le mundo, ma illo es artificial, non folkloristic; presentate per bandas
>tsigan in le urbes (le quales non del toto sona folklore original tsigan,
>ni hungare!).
>
>
Gratias pro un interessante explication. Lo que on appella musica
popular ci in Svedia sembla sovente esser musica de un traditin popular
ma in alcun casos illo ha essite notate. On dice que iste o ille melodia
es "secundo" le musicanto X, ma isto sembla significar que le musico non
ipse ha "componite" lo ma solo transprendite lo de un altere portator de
tradition.

In le medio del 19-e seculo on colligeva melodias folkloric svedese e
los publicava in notas pro pianoforte, e on los sonava in le familias
burgese.

In le comentiamento del 20-e seculo alcun artistas pictores discoperiva
le provincia Dalarna (con le nomine latin Dalecarlia) ubi il habeva un
multo traditional e particular vita rural, lo que on videva como un
typic proto-svedese cultura. E iste interesse era le comenciamento del
movimento de musica popular svedese que on sonava per violino, accordeon
e a vices clarinetto.

Vos non debe comprender que ego vole dicer que le musica popular
describite in le passage supra comenciava in le 20-e seculo. Illo
existeva iin varie partes del pais. Le prestres combatteva le violino
como le instrumento del diabolo e in alcun locos on era tanto
"successose" que le musicantes cantava le melodias in loco de sonar los
per le violino. In paises anglofone on parla, si ego es ben informate,
de "mouth music", il era forsan possibile discriber le musicos "oral"
como un sorta de "trallaleros", ma non como illos in Italia ma illes era
in general solistas.

Musicalmente

Kjell R

======================================================
Pro disabonar te del lista, invia un message a
[log in to unmask] con le texto:

  UNSUBSCRIBE INTERLNG

o visita le sito del lista:

  http://maelstrom.stjohns.edu/archives/interlng.html
======================================================
Visita le sito official del Union Mundial pro
Interlingua:

  http://www.interlingua.com/
======================================================