Un aspecto interessante que io totalmente oblidava es que le legendari
premier de Svedia durante le tempore del secunde guerra mundial era
Per-Albin Hansson. Ille era le petra de securitate del svedeses. In su
quiete voce Scanian (le provincia sud de Svedia) ille diceva al populo
svedese que "Nostre preparationes de defentia es bon", e omnes le credeva
malgrado le facto que le personas qui vermente sapeva, cognosceva un altere
historia.

Ille Pater Patriae haberea essite convicte de bigamia, si ille haberea
vivite in le Statos Unite, io crede. Ille habeva duo familias, un marita
con qui ille habeva infantes e un cohabitante (o quasimarita, como dice
allan ;-) con le qual ille etiam habeva infantes.

Iste facto era un ben guardate secreto. Io audiva de isto quando io jam era
in etate adulte.

Io non ha legite de isto, solo audite varie narrationes, e secundo illos le
marita de Per-Albin non amava le vita in le alte sferas. Illa voleva viver
le vita quotidian.

Per-Albin era cognoscite pro su multe simple costumines. Ille viagiava
inter su travalio e le labor in le tramvay ordinari, comprava su cosas in
le mesme boteca como sempre e non cambiava su habitation.

Io debe confessar que io non sape quanto de isto es fiction e quanto factos.

In un programma de nostre radio national io audiva expertos in re le statos
unite discutente le cosa hodie. Illes diceva que isto es un cosa initiate
per le medios, e cata un jocator joca su rolo. On constatava que le mundo
es confundite.

Scandal- e conspirativemente


Kjell [log in to unmask]
Kjell Rehnstroem
Vaenortsgatan 87
S-752 64  UPPSALA
Suedia - Sweden