Car Erik, car omnes,

Il require labor e ideas pro plure personas pro trovar e arrangiar material
pro nostre Radio Interlingua. Nos totes debe participar e non lassar tote
labor a Péter.

Io non accepta le idea de Erik e Ingvar que on pote apprender un lingua per
solmente audir lo. Vos pote audir p. ex. mandarin  o un altere lingua
incognite durante centenas de horas e vos ha apprendite nihil. Le exemplo de
apprehension de infantes require que illes simultaneemente pote vider
actiones del parlantes.

Iste facto del apprehension indica que nos anque debe exponer picturas e
films con textos in interlingua pro facer Radio Interlingua interessante
anque pro visitatores e comenciantes.

Gratias pro le interessante publication hodie de numero 3 del
radiodiffusion!

Janne

2008/11/5 Erik Enfors <[log in to unmask]>

> Car Peter Kovacs!
>
> Hodie io e Ingvar Stenström participava in Café Interlingua in Göteborg e
> alora nos constatava que longe tempore ha passate desde le ultime emission
> in Radio Interlingua. Nos vermente spera que tu non ha troppo poc tempore ma
> pote continuar le labor pro iste emissiones multo interessante e besoniate.
> Specialmente pro personas qui rarmente incontra altere interlinguistas, e
> audi nostre lingua, iste emissiones es un exercitio perfecte. Audir le
> lingua parlate es necessari pro maestrar omne linguas. Rememora que tamben
> parve infantes apprende linguas in iste maniera.
> Nos esseva 10 personas in Café Interlingua iste vice, le plus juvene esseva
> Alexandra Kangas, 11 annos, qui contava concernente su participation in un
> festa Halloween insimul con su cameradas.
>
> Con mi optime salutes,
> Erik Enfors
> Vallåkergat.25
> SE-432 37 VARBERG
> Svedia
> Tel: +46 (0)340-875 45
> (Mobil +46 (0)730 65 60 21)
> Skype: untorrente
> e-post: [log in to unmask]
>
>
> Milliones de personas comprende interlingua immediatemente.
> www.interlingua.com
>
> --
> Archivos e disabonar: http://listserv.icors.org/archives/INTERLNG.html
>



-- 
Jan Årmann
Generalsgatan 12 E, SE-903 36 Umeå
Tel +4690771525
Mobile +46706594934
www.armann.se

--
Archivos e disabonar: http://listserv.icors.org/archives/INTERLNG.html