d[061229] x[Kiviaho Allan] z[KivA-FRSik]
s[Problemas con le codice UTF-8]

[log in to unmask]

Car Giuseppe Le Napolitano e altere interlinguistas!

Giuseppe Nappi Le Napolitano es le sol persona in le
historia mundial de interlingua qui ha comenciate usar
le codice UTF-8 in su messages ePostal.

Illo causa me certe problemas. Io ha tractate tote le
"inbox" automaticamente (quasi) con un elaborate systema
de programmas "C", Quickbasic e macros del Program
Editor (un vetule programma que io ha usate jam desde
le anno 1984 ...) e incargate le textos tractate in mi
base de datos sub le programma askSam (granmatre de omne
programmas "PIM"
:: PIM = Personal Information Manager)

Io ha usque recente usate como programma ePostal un
vetule version (4.75) del Netscape sed ha nunc essite
fortiate cambiar a un moderne version del "Thunderbird"
de Mozilla, i.a. proque le vetule Netscape non plus
poteva se arrangiar con le messages in le Coollist.

Io pote laborar con le "inbox" (in ASCII) del
"Thunderbird" equalmente ben como con le Netscape sed
con le messages de Giovanni Le Napolitano io debe facer
como seque:
   1. Io tracta le message con mi serie de programmas e
macros como previemente, sed le texto proprie appare in
un massa inlegibile (in UTF-8).
   2. Pro isto io va, quando le material es jam in mi
base de datos sub askSam, retro al "Thunderbird" e copia
illac le texto sub le codice UTF-8 a mi base de datos,
ubi io usa le fonte "Courier new".

Si longe quando Giuseppe es le sol persona qui invia le
textos in UTF-8 illo es nulle grande problema sed
totevia un
!!!!!!!!!!!!!!!!!!!!!!!!!!!!!!!!!!!!!!!!!
:: tabula de UTF-8/ASCII o un convertitor
:: UTF-8<--->ASCII
!!!!!!!!!!!!!!!!!!!!!!!!!!!!!!!!!!!!!!!!!
esserea benvenite.

Io tentava trovar illos in interrete sed illo contineva
un tal chaos de information super iste thema que io
perdeva mi tolerantia.

An alicun interlinguista pote adjutar me in iste
problema?

Salutante

Allan Kiviaho
Tres vices "HURRA!" a DOS e ASCII!

- - -

P.S.

Io ha un computator del etate de 6.5 annos (DELL
OptiPlex GX 110) con systema de operation MS Windows 98.
Post 1-2 menses io va probabilemente procurar un nove
computator, forsan con systema de operation MS "Vista",
io non crede que io vole luctar con problemas de un
altere systema de operation, como "Linux". E, finalmente,
un connexion via "banda large" (breadband),

Probabilemente io va etiam con le "Vista" usar
programmas sub DOS - e spera que le "Vista" va haber un
emulator de DOS o que tal emulatores de tertie partes va
esser obtenibile. In computatores de mi filia e filio,
qui ha systemas de operation MS Windows XP, io jam ha
problemas con certe characteristicas quando io labora
con programmas DOS ...

--
Archivos e disabonar: http://listserv.icors.org/archives/INTERLNG.html