Emerson José Silveira da Costa scribeva:
>Post examinar le
>plancas sin haber un libro specific in mente a comprar, io e Rosana
>nos ha rememorate del obras de Rodin, e ha decidite comprar "Le Divin
>Comedia".

Iste matino, un belle matino de sol e un temperatura de +10 grados centigrade,
io pensava a Rosana e Ensjo qui comprava Le Divin Comedia e ab isto al epocha
de Dante. Como succede quando tu te abandona a pensar sin haber un precise
puncto de referentia, io me discoperiva observar le traves (roof beam) de mi
tecto. Illos pote esser del epocha de Dante! Eh, si! Mi casa e Dante es
coetanee e in plus, in su peregrinar de pais in pais, Dante sojornava a
Treviso
e hic trovava sepulture su filio Piero.
Assi Le Divin Comedia a circa 600 annos.
Un texto in iste 600 annos! Ma pensa vos qual vicissitudes ha potite supportar
un texto in un periodo como isto?
Le original manuscripto, su prime transcriptiones obviemente manual, e assi de
amanuense in amanuense, con tote le alterationes que illes apportava pro
distraction, pro ignorantia, pro indolentia.
Assi io sentiva le desiderio de consultar le copias de Le Divin Comedia que io
ha. Uno es un copia anastatic del 1400.
Un immersion in le passato!
E io ora facera un secunde immersion. Io va a Venetia a visitar le monstra del
Etruscos, le contemporaneos de mi Veneticos. Vos pote accompagnar me al pagina
http://www.palazzograssi.it/
A iste vespera!

Mario Malaguti