Gratias, Kjell pro le reporto super le foco in Gothenburg.  Multo triste.

Hodie esseva le die de electiones.  Io e mi sposa ha votate in le matino.
Io esseva surprendite vider que Newt Gingrich, qui es mi representante
in le Congresso, habeva un opponente, qui io alora selige pro mi voto.
Il habeva necun publicitate pro le opponente in mi zona del citate de
Marietta.  Io esseva surprendite que le democratos aqueste anno non ha
expendite plus moneta pro publicitate, justo pro preoccupar Newt in
defender se, con le possibilitate que ille dicerea alco egregriose e
attaccabile.  Aqueste districto es multo Republican.  Io non opina que
Newt habera difficulte in devenir reelectionate.

Potesser le Democratos ha un altere strategia, face un ambuscada per
secretemente contactar le cititanos favorante le candidato Democratic
pro portar les al votation.

Pro comprehender le sentimentos de mi districto Congressional, io debe
reportar que alcun juvene maritates qui se abona a un gruppo que
oppone le abortion, ha discoperte duo libros de Svedia in le local
bibliotheca de Barnes e Noble.  Le libros es super juvenes de 12 - 15,
e il ha multe picturas nude in aqueste libros. Illes los regardava le
libros como obscene e pornographic e voleva le accusator local a
fortiar le bibliotheca a remover le libros de vendita.  Post poner le
libros al consideration per le juratas grande, le accusator ha recipite
le decision que le libros non es obscene, ni pornographic, mais arte e
de valor cultural...

Stan Mulaik