Kjell scribeva:
>>>
Le radio dava iste novas e il habeva un intervista con un femina svedese
vivente in Montreal. Ibi le arbores habeva cadite e rumpite le cablos
electric.i
>>>

Stan:
Io cognosce ben un tal situation.  Hic in Atlanta in circa 1974 e 1976 nos
habeva un tal tempesta de glacie.  Usque alora Atlanta ha essite un belle
foresta, con grade arbos supra le cablos.  Quando iste tempesta arrivava,
le pinos, que es ubique in Atlanta, deveniva supercargate con le glacie,
e le peso esseva troppo pro le truncos del pinos a portar. Assi le truncos
rumpeva, sovente con un grande CRAC! ... TUMPF, similar al sono de un
explosion del artilleria.  Cata cinque minutas, il pareva, nos audiva un
altere CRAC...TUMPF!  Le sono esseva terrificante.  Le die post le tempesta,
que veniva in le nocte, nos mira foras nostre casas a vider destruction que
pareva como un bombardamento de nos.  Le arbos esseva cadite in le stratas,
super le casas.  Le homines del vicinitate se jungeva a adjutar le un le
altere remover le arbos cadite.  Un pino ha cadite super mi tecto e cadeva de
illac al terra, dislocante le guttiera contra le pluvio de mi casa.  Fortunate-
mente le fratre affin de mi vicino esseva un tectero, e ille repareva mi
tecto e guttiera pro un basse precio.  Alcun pauc annos post isto nos habeva
un similar tempesta.  Illo non esseva tanto seriose con respecto al perdita
del electricitate, proque in le interim, le compania de electricitate ha
laborate multo a remover tote le arbos o lor brancas que stava supra le
cablos electric.  Mais un altere pino al fronte de mi casa cadeva super nostre
tecto, e un branca tanto grande como mi bracio penetrava le tecto justo supra
le cupa de banio de mi duo filios, alora illo ha cadite al terra. Isto
faceva un grande sono.  Fortunatemente le damno esseva supra le banio, que
poteva prender le aqua.  Mais io esseva multo terrificate al pensata que si
le arbo ha cadite solmente 3 metros al derecto, illo haberea cadite supra le
lecto de duple nivellos de mi filios, possibilemente occidente le un in le
nivello secunde!  Io removeva tote pinos circa mi casa post isto.

Nos ha plure grande pinos circa nostre nove casa.  Io opina que io va
remover los iste anno.  Illos attrahe le fulmine, e es periculose in un
tempesta del glacie.

Io esserea curiose a apprender le experientias de habitantes de iste
region in Nove Anglaterra e Quebec in recuprir del tempesta.  Un bon cosa
que resultava de ille tempestas es que le vicinos incontrava le un le altere,
deveniente bon amicos in adjutar le un le altere.

Stan Mulaik