Car amicos,
Theorias se leva como fumo e foco ex vulcanos -
se leva e se perde in le spatio / cyperspatio.
Non multes del projectos se developpa a linguas
que entra in uso practic e succede assemblar un
organisation multinational e offerer occasiones
de incontrar usatores de plure paises e de interesses
variate in reunions international.
Interlingua es un tal lingua.
Proque non ir a un breve sojorno de vacantias
in Svedia iste estate pro participar in
Cursos intensive a duo nivellos le 30 de julio usque al
1 de augusto inclusive e postea immediatemente, post
le cena, participar al Incontro nordic, que occurre cata
duo annos - e que nunquam es solmente "nordic"? (in
illo ha de facto participate interlinguistas de 9 nationes).
Ante duo annos un japonese veniva a Svedia exclusivemente
pro iste cursos - e ille intende revenir iste anno!!!
Tamben un americano nos ha visitate e deveniva un
bon amico e al Incontro Nordic in le urbe de nostre
sancta svedese, Birgitta in Vadstena, nos habeva inter
nos duo sympathic espanioles. Nos spera que plure
espanioles venira iste anno.
Pro europeos le accesso a Linköping, un citate al est
del grande e longe laco Vättern, es multo fac ile.
Linköping es situate al grande ferrovia interMalmö e Stockholm.
Linköping ha connexion direct per avione abcon Copenhagen e Amsterdam
Ab Stockholm, que ha connexiones con tote le mundo,
vos arriva per trainos frequente
.
Ab London existe un altere possibilitate per Ryan Air
a un aeroporto minor, Skavsta, 5 km distante de
Nyköping, que es situate 100 km de Linköping.
Le strata principal E 4 passa per Linköping.
Le centro del conferentia es Valla folkhögskola, Linköping,
un schola-internato residente in un ancian mansion in
un grande parco con cameras con ducha e toilette
private. Le precio pro camera e tres repastos per die
es circa le medietate del costo pro isto in un hotel e
un restaurante.
Tote iste detalios vos trova in
www.interlingua,com e www.interlingua.nu
ubi vos trova schedas de inscription in Interlingua o
svedese!
Un consilio. Si vos ha un longe viage, vos naturalmente
resta tote le tempore, i. e. usque al lunch in le mediedie
dominica le 3 de augusto!
Linköping es situate in un belle region, le provicia
Östergötland, e vos non regrettara voste selection
de vacantias
.
INSCRIBE VOS IMMEDIATEMENTE!
Le pagamento debe esser in nostre conto a n t e
le 30 de maio 2008.
A revider!
Cordialmente,
Ingvar
Ingvar Stenström
Vegagatan 12
SE-43236 VARBERG, Svedia
Tel. +46-(0)340-15053
ingvar.stenstrm at telia.com
Signatura in Skype: ingvarst
www.interlingua.nu
www.interlingua.com
Excusa errores causate per mi mal
--
Archivos e disabonar: http://listserv.icors.org/archives/INTERLNG.html
|
