Salute omnes!

Io ha comenciate planar un viage per veliero a Spitsbergen.  Le plano
es partir ab Vesterålen in Norvegia apud 69N (le circulo arctic es
apud 66N) 14e julio navigante al nord, a Spitsbergen que es un insula
in le mar arctic, inter 76 e 80 grados latitude septentrional.  Nos
navigara durante 3 septimanas.

Si le glacie permitte, nos navigara circum le insula.  Le glacie del
est del insula se rumpe in julio, sed le vento pote obstruer le
passage con glacie flottante in tempore brevissime.  Con bon fortuna,
nos potera navigar al latere nord del insula, que es sin multe glacie.
Le insula es bellisime, con fiordes, glacieros ubique e montes alte.
Io expecta temperaturas inter -5 e +10 grados Celsius, forsan +15 in
le interior, sed le vento pote pejorar le temperatura.  Io era in iste
region decembre del anno ultimo, e io habeva le experienta de plure
dies con tempestas in -25C.  Le differentia inter isto e le mesme
temperatura sin ventos es grande!

Le insula ha 4 importante urbes, le plus grande es norvegian e ha
circa 1500 inhabitantes.  Duo son russian.  Io spere que io visitara
le urbes russian, il serea plus interessante.

Etiam, il sera interessante revisitar iste region, proque quando io
era ibi le vice ultime (e sol), le dies era tenebrose como un nocte
permanente.  Usque io solmente pote me imaginar como le region vide in
le luce del sol.

Si io facera le viage, io tentara scriber un reporto de lo in
interlingua :)

(etiam, io debe tostissime comprar un grammatica e un dictionario, io
ha scribite a iste listo de tempore in tempore durante le ultime
menses, sed ancora io non senti que io sape ben le lingua.  Id est, mi
lingua ancora consiste de plure conjecturas.)

-- 
Steinar