DISCOPERIR LE EUROPA REAL
In julio de aqueste anno le Parlamento dava su approbation al Servicio
Voluntari Europee (SVE). Le accordo resolve un lucta longe per europarlamentarios a adjutar juvenes a participar activemente in le
communitate.
Le tractatas del UE non provide alcun poteres specific in aqueste area de
politica de juvenes. Totevia, Parlamento ha appoiate numerose projectos a
accrescer le participation de juvenes in le vita del Communitate e a accrescer
le opportunitates que on pote offerer a illes a un nivello europee.
In 1991 Luciano Vecchi (I, PES) argueva que 'tote effortio debe esser facite
a render capace le juvenes a transformar se gradualmente de esser le
'objectos' de mesuras UE a in 'subjectos' qui participa in le selectiones
que les affecta. Illes debe esser involvite in le le construction del
Communitate e Europa super un nivello strategic e spiritual e super un
base positive e quotidian."
In le prime annos del 1990s il deveniva apparente que il habeva un forte
sentimento in favor de un servicio voluntari transeuropee. In 1995
europarlamentarios exhortava le Commission a establir un "servicio voluntari
europee e a crear un special stato legal pro voluntarios." In 1996 le
schema commenciava a formar se como le Parlamento faceva fundos disponibile
pro un serie de projectos experimental pro juvenes.
Aqueste projectos functionava in 1996 e 1997 como un precursor del Servicio
Voluntari Europee e ha rendite capace circa 2500 individuos a conducer le
travalio communitari voluntari con 1000 organizationes local. Aqueste
projectos experimental ha essite regardate generalmente como succedite, con
un nivello significante de interesse in tote le statos membros de juvenes
e de organizationes interessate in patronar le voluntarios.
Illos ha equalmente providite un opportunitate importante a provar un nove
modello de implementation decentralizate basate super un rete de structuras
national que organiza le programma a un nivello local. Le nove programma ha
extracte principios de aqueste experimentos.
Su primari detalios es
* illo es aperite a tote juvenes inter 18 a 25 qui reside legalmente in un
pais del UE o Norvega o Islanda. Il ha necun preconditiones in terminos
de nationalitate, qualificationes o fundo. "Le sol condition," diceva
un voluntario, "es a esser motivate." Il es equalmente extendite a
paises de Europa central e oriente, e eventualmente paises del America
Latin e paises asian poterea participar.
* participantes travalia in projectos que dura inter sex e 12 menses;
* voluntarios viagia a un altere pais ubi illes travalia super schemas
que contribue al ben esser del communitate local in campos como le
assistentia social, protection del ambiente, activitates artistic o cultural
o combatto contra le drogas;
* assistantia amonta a maximalmente 50 pro cento pro projectos in le UE,
excepte projectos involvente juvenes disavantagiate ubi le assistantia
pote esser plus alte. Le resto es pagate per le organizationes que
patrona e invia le voluntarios, tal como autoritates local de
organizationes voluntari e caritabile.
In addition a aqueste activitates le SVE equalmente va includer:
* breve projectos de inter tres septimanas e tres menses, generalmente
involvente gruppos multinational de voluntarios travaliante super un
projecto commun;
* parve subventiones pro voluntarios reveniente que les adjuta in establir
lor proprie projectos basate super le experientias ganiate;
* projectos multilateral que mitte in contacto participantes de al minus
quatro paises;
* disveloppamento de projectos del SVE in tertie paises.
Le programma currente va terminar se in decembre 1999 mais le plano provide
que servicio voluntari pro juvenes debe continuar in le structura del
programma de juvenes proponite per le Commission pro le periodo de 2000-2004.
Le scopo del SVE es dual: Prime, participantes va beneficiar se proque
illes va alargar lor horizontes per devenir cognoscente de un altere pais e
su lingua e cultura. Illes va acquirer nove habilitates e accrescer lor
confidentia in illes mesme que va adjutar les in lor vitas de obra.
Secunde, voluntarios va conducer le travalio que essera de beneficio al
communitate in lor pais patronante, tal como travalio con infantes o le
veteres, le projectos ambiental, o projectos del arte o del theatro.
A patronar un voluntario pote portar consequentemente beneficios substantial
al organization patronante e le communitate.
Illo pote portar un valuta additional europee, social, cultural e practic
al activitates proque le juvene veniente de un pais extranier va portar
ideas fresc e un puncto de vista innovante. Le SVE non es un substituto
pro empleos pagate o existente o potential e le participantes non pote
esser usate pro labor incostose, mais debe contribuer un mano adjutante
a projectos que ha como lor scopo a satisfacer necessitates social. Illo
es equalmente aperite a statos membros a initiar initiativos bilateral que
pote vader plus lontan que es possibile con le SVE, durante que illos
beneficia del schema.
Commisario Edith Cresson accentuava le importantia del SVE, arguente que
"Europa non es justo super meetings a alte nivello. Activitates local es
justo tanto importante in construer Europa. Voluntarios juvene va haber
le opportunitate a involver se in tal activitates, excambiar le ideas e
experientias, e contribuer lor enthusiasmo e creativitate. Illes pote
adjutar nos a funda le fundationes del futuro.
Traducite per Stanley Mulaik de EP NEWS, Irlandia, octobre 1998.
ZZ
|
