Car Amicas e Amicos,

le messages per Stan e Kjell R. re le Millennium Round in discussion a
Seattle releva le complexitate de iste themas e lor internationalitate: 135
Paises, China in imminente entrata, in negotiation pro le adhesion: Russia,
Arabia Saudite e Ukraina.
Italia sustene le proposition del abattimento de tote le doanas al
importation pro le merces que proveni ab le 48 Paises plus povre del mundo
que insimul representa solmente 0,2% del mercato mundial.
Io ha trovate duo adresses de grande interesse: uno italian al pagina
http://www.ilsole24ore.it/_ecoint/wto/
e uno que es le sito official del conferentia al pagina
http://svca.wto-ministerial.org/, in lingua anglese, espaniol e francese.
Al pagina http://www.ilsole24ore.it/_ecoint/wto/decalogo.htm io ha trovate
un synthese in dece punctos que es interessante.
Io lege que le presidente Clinton cavalca le protesta que es emergite a
Seattle, isto pro facer ulterior pressiones al Europa e al Japon e reducer
le negotiation al areas de major interesse pro le Statos Unite. E il pare
que Europa sia ora in un angulo.
Al fin emerge un regula de economia pur, illo que le ideologias politic non
pote modificar: ab un commercio international plus libere e stabile totos
trahe avantages in terminos de crescita e de ben-esser.
Capitalismo o nove via, como Clinton discuteva a Florentia in le dies
passate con su amicos "democratic" europee?
Io dicerea plus simplemente: ingerentia del poter public in questiones que
era, es e restara private, como in le caso del commercio e del economia
plus in general.

Ciao,

Mario

Mario Malaguti
mailto:[log in to unmask]
Strada Bibano, 9 - 31100 Treviso (Italy)
tel. (+39) 0422 420790 - fax (+39) 0422 420789
http://www.i-gi.com