Car amicos e amicas,
Le thema del nomines usate de inventores e proprietores pro nove
technologias, es interessante.
Allan ha scribite:
>Un exemplo typic es le technica de communication de
>datas a breve distantias sin filos e sin infrarubie.
>
>In anglese le termino pro iste technica es
>"Bluetooth".
>
>What the hell is that? Alicun interlinguanistas
>insiste que "telagator" non es intelligibile a prime
>viste. Sed "bluetooth" es, nonne?
>
>Ben, vamos adaptar "bluetooth" como un termino
>"international". Como es illo pronunciate in
>interlingua? "BLUUTUUTH?".
>
>In finnese nos dice preliminarmente "sinihammas", un
>traduction directe de bluetooth sed ubi es le
>transparentia? E in interlingua? "Dente blau?". Sed
>ubi es le transparentia?
>
>Io non so 100 p.c. certe del origine de iste termino
>sed io crede que isto veni ex Harald Blåtand, un rege
>e viking danese in 940-986. Ille moriva le 3me de
>februario 1014 in Gainsborough, Anglaterra e era
>sepelite in Roskilde, Danmark.
>
>Sed qual ha Harald Blåtand (Bluetooth) de facer con un
>technica moderne de telecommunication? A proposito,
>qui o qual compania ha inventite iste termino multo
>opaque?
Io suppone que Harald Blåtand ha necun relation con le technologia excepte
un nomine. Sed on poterea dicer le mesme cosa re la nomines de nove marcas e
modellos de automobile. Le puncto es que un relation logic non existe e non
es besoniate. On poterea mesmo dicer le mesme cosa re le relation inter omne
significantes e significates. Il non ha un relation logic inter le parolas
'oiseau' o 'bird' o 'ave' e le ave ipse. Le usatores apprende que le nomine
se attacca al objecto e lo usa pro indicar le objecto in le communication
con alteres.
Le altere facto importante que Allan mentiona hic es que un compania o
inventor ha establite le nomine 'Bluetooth' pro iste technica de
communication de datas a breve distantias sin filos e sin infrarubie. Illo
es un technica particular nonne, e non generic. In altere parolas il non
existe plure species de 'Bluetooth'. Illo es un systema proprietarie,
subjecte a copyright e patentes. Tunc, le inventor pote 'baptisar' su
systema, (su 'infante') con un nomine qualcunque.
Nos pote amar iste termino, o odiar lo, o esser indifferente a lo. Sed nos
non pote cambiar lo. E protestar es van. Nonobstante, nos pote traducer lo.
A proposito, Allan, quando tu nove invention le 'telegator' sera producite e
distribuie a grande scala, io sera contente de usar le nomine que tu ha
seligite... sed non ante ... non como nomine generic pro celle altere cosa -
le navigator (de Tela).
cordialmente
Edo
________________________________________________________________________
Get Your Private, Free E-mail from MSN Hotmail at http://www.hotmail.com
|
