Arturo leva le question si "Fulano", "Beltrano" e "Sicrano" pote esser
parolas in interlingua.  Il ha un criterio pro determinar isto:  On debe
monstrar que il ha al minus tres linguas contribuente in que iste parolas
occurre con le mesme signification e in formas similar.  Alora le forma del
parola in interlingua esserea le prototypo, i.e. le forma o historic o
theoretic de que tote le variantes in le linguas contribuente se devia
secundo lor vias characteristic linguistic.  Visita le sito www.interlingua.org
e lege le introduction al IED que describe le technicas pro determinar le
eligibilitate de parolas a entrar se in le vocabulario de interlingua.

Rememora que pro interlingua le espaniol e le portugese es insimil tractate
como un singule lingua contribuente.

Stan Mulaik