Bruno, io habeva tempore solmente de leger velocemente le puncto 10, ma 
illo, il me sembla, confirma lo que io assereva, i.e. que le S.U.A. es un 
Stato Federal desde su nascentia. In ultra, io videva in Wikipedia iste 
definition:

"Lo que differentia le Stato federal ab le confederation es le existentia 
de un authentic "poter commun" que, de un latere, sape regular le 
relationes inter le Statos in base al derecto, assi eliminante le 
necessitate de recurrer al fortia in caso de conflictos o controversias e, 
del altere, ha poter directe sur le singule citatanos, qui concurre a 
formarlo in modo democratic.

Le confederation non es un Stato, ma un summa, un liga, de Statos que 
resta soveran e que regula le relationes reciproc basante se - in ultime 
instantia sur le fortia, retenente al mesme tempore un poter exclusive sur 
proprie citatanos.

Le confederation se basa sur le principio del "representation del Statos", 
e non del citatanos, e attribue de facto le voto solmente al Statos, 
excludente in tal modo le populo ex le decisiones que reguarda le 
relationes interstatal."

Io opina que SUA es un Stato federal, dum le UE es hodie jam plus de un 
confederation ma non ancora un Stato federal.

In re le Constitution: in un Constitution, io opina, va solmente le 
principios general e inalterabile que nos uni. Quante paginas ha le 
Constitution de SUA? Il non es possibile submitter a referendum - ubi on 
pote solmente scriber "si" o "no" - un documento bureaucratic de 300 
paginas.

ET TE INCOLVMEM DEVS PERMANERE FACIAT

robocap

--
Archivos e disabonar: http://listserv.icors.org/archives/INTERLNG.html