Robert Eaglestone wrote:

> Salute,
>
> Io tenta que scribe messages in le <newsgroup talk.politics.european.union>,
> ma lo parece que mi pensatas es troppo controverse.

Le plus controverse opiniones es certo le optime, si exprimite in interlingua.
Personalmente ego vide interlingua como un alternativa al anglese pro me. Illo
pote anque, como sublinea Chris in un altere message, funger como un medio in
contactos con parlatores de linguas sudeuropee.

Un interessante exemplo es como un reportero de nostre radio national probava
telephonar a Italia parlante anglese. Con mi interlingua ego comprendeva quasi
toto que le italiano diceva in le conversation telephonic, ma le telephonante
de Svedia poteva solo post un exhibition de grande acrobatia lingual facer
arrivar le information correcte.

Un altere aspecto es naturalmente que quando on scribe interlingua - et non
argumenta in favor de illo in un lingua national - on utilisa le capabilitate
del lingua ipse farlar in favor de se assi que solo le personas qui vermente
potera communicar in illo essera attingibile per le message.

Pro un persona qui solmente sape le svedese o un poco anglese etc. il quasi non
vale le pena describer interlingua, si on non pote narrar de su excellente
propedeutic capabilitates, et esser credite!

Amicalmente