Car Mario, car totes!

Io me senti obligate a deler grande partes del message ab Mario pro non facer le
contribution troppo voluminose.

I-GI wrote:

> Car Jan,
>
> mi prime amico de e-mail in interlingua, si! io considerava que nostre
> pusille communitate international exprimite per le lista Interlng era un bon
> destinatario de un "tal message" que non es absolutemente un message
> private.
> Tu invetera, Jan! E tu deveni sempre plus impatiente e tu ha le necessitate
> de manifestar tu impatientia: "Scribe in Coolist! No message private!"
> Relaxate Jan!

Mario, io vermente multo estima tu message amical. I pote ben comprender tu
sentimentos causate del fato de Rocco. Io anque multo oppone le pena capital.
Quando tu ha mentionate Rocco io non habeva le connexion in mi cerebro inter le
nomine Rocco e iste morte cruel. Io ha pensate: "Ancora uno que jecta
interjectiones in iste foro!" Pardona me, io debeva ha me calmate.

Io ha participate in iste foro desde illo esseva fundate per Frank Pfaff. Nos
habeva plure scopos pro illo, i. a. que le foro debe esser aperte pro
comenciantes a scriber e incontrar critica e correctiones in un maniera amical,
ma anque pro discussiones del disveloppamento de nostre lingua. Io nunc pensa
que le foro ancora es bon pro iste scopos ma que sovente participantes es
tentate a discuter minor cosas linguistic in absurdum e a vices alcunos invia
curte messages personal que non pote interessar plus que un singule individuo.
Nos es 90 participantes!

Io crede que plure participantes es multo cargate per lor labor e anque per lor
travalio pro interlingua. Io es pensionista e usa multo tempore pro interlingua
e nostre Societate Svedese pro Interlingua (SSI). Io es le presidente. Nos ha
arrangiate le Incontro nordic in Svedia iste estate, io ha habite
interlinguistas romanian in mi casa durante un septimana, io ha construite
nostre sito www.interlingua.nu e mantene lo, io ha redigite un fila pro
publication in Babylon e plure altere cosas. Io non es unic - plures ha un tal
carga. A vices io me senti tal cargate que io non ha trovate tempore a
participar in le foro. Io ha periodicalmente requirite "no mail" a INTERLNG. Io
tamen pote admitter que un tal "absentia" sovente es ignite per mi  impatientia
super messages idiotic in le foro.

Mario, tu es membro de SSI. Nos recentemente ha aperite un foro in eGroups
nominate ssimedlem. Le foro es solmente pro nostre membros. Nos non ancora ha
invitate tote nostre membros que ha e-posta. Ma tu naturalmente es invitate.
Forsan le majoritate del messages a expectar es scribite in svedese. Il es
natural ma nos supporta le usage de interlingua.

Io spera que iste conversation inter Mario e me pote eclarar alcun elementos
importante e que le foro pote continuar su mission pro interlingua inter nos.

Jan

--
Jan Årmann/Jan Armann
Generalsgatan 12 E; S-903 36 UMEÅ/UMEA, Sverige (Sweden)
Tel: +46 (0)90771525; Summer/Estate +46(0)52521485
Mobilphone: +46(0)706594934
Messages oral (multo curte) e fax: +46 (0)902034845
e-mail: [log in to unmask]; reserva: [log in to unmask];
ICQ - UIN nr:785745;
http://www.algonet.se/~armann