Car amicos,

Le septimana passate io habeva le visita de un juvene collaboratrice del
Radio-M (un emissor multo popular in le centro de Nederland). Durante
90 minutas io ha parlate de interlingua con iste dama enthusiasta. Con su
registrator audio illa ha registrate un parve interview, in le qual in cinque
minutas io ha explicate lo que es interlingua (registration del parolas
international) e pronunciate alicun phrases in interlingua. Io ha exprimite
mi fascination pro le phenomeno del parolas international. Finalmente io
ha explicate como interlingua pote esser utile a solver le problemas lingual
in le Union Europee.

Le 23 de julio a 14.45 horas on ha emittite le interview in un banio de
musica pop. Le collaboratrice me ha dicite que illa va revenir pro facer un
programma plus extense.

Salutes amical de Piet