Ben venite a Jaques!

Io ha 67 annos e es un semipensionate professor del psychologia e
statistica a Georgia Tech in Atlanta, Georgia, USA.  Io discoperiva
interlingua in 1954 e deveniva un amico de Dr. Gode per correspondentia
e un visita a Nove York como un practicante in le psychologia clinic
al Hospital de Veteranos Brooklyn.  Post 1972, io deveniva inactive
con interlingua usque 1994 quando io rediscoperiva lo in le interrete.
Con plus tempore pro involver me con interlingua io ha remanite
active con illo, e io es ora le Presidente de nostre nove societate,
Le Societate  American pro Interlingua que es pro interlinguaphonos
del Statos Unite, Canada e Mexico.  Mais como Erik io es al momento
actual multo preoccupate.  Io non es totalmente pensionate, proque
io ha promittite a scriber tres articulos professional e debe
tornar me al labor.  Mais io es felice a vider un francese junger
nos aqui.

Io ha justo retornate de ferias in London, e io pote dicer que le
Cuppa Mundial es un preoccupation major in le notitias in le
television a la.  In America il ha pauc consideration del futbol,
ben que numerose filios lo joca.  Mais illo non es tanto forte
como un sport professional in le Statos Unite in comparation con
le football e le baseball.

Stan