Car Ion-Mihail

Io te regratia tu benevolentia, que tu vole adjutar me in isto, ma
regrettabilemente - secundo me - il esserea poc, si solo un persona - tu -
scribeva al casa editorial del Academia Hungare, proque le "Sancte Academia"
Hungare non cambia su cosas mesmo si plurissime personas lo require. E del
resto, iste libro es ja sur le mercato, on non pote retirar lo e corriger. E
le contento non depende del casa editorial, ma del autor / redactor. Ma si
on scribe al autores o redactores del libro, illes poterea considerar le
propositiones pro un nove edition del mesme libro.

Gratias, que tu voleva adjutar, ma io crede, que nos hungaros deberea facer
isto e forsan non mesmo io, ma un persona, qui es plus recognoscite in
circulos del linguistica, etc.

Salutes amic:

Péter Kovács


On Tue, 15 Sep 2009 08:22:49 -0700, Ion-Mihail Iosif
<[log in to unmask]> wrote:

>Â Â Â  
>        Car Pe'ter,

        Il es totalmente a regrettar le situation que tu rapporta a
nos. Io es preste a facer un action pro corriger lo, pe'ldaul, a qui
scriber, que scriber etc. Tu pote dar me alicun ideas e io va disveloppar
les, a Wiki o al Ak. Kiado'.

        IMI 




________________________________
From: KOVACS Peter <[log in to unmask]>
To: [log in to unmask]
Sent: Tuesday, September 15, 2009 5:31:32 PM
Subject: Re: [INTERLNG] Vamos discuter tamben le critica negative verso
interlingua

In le foro Index.hu il ha iste topico hungarophone super interlingua que io
mentionava. Alicun contributor recentemente ha citate le entrata super
interlingua de IALA del enorme e prestigiose obra A vilĂĄg nyelvei (AkadĂŠmiai
kiadĂł, Budapest, 1999, p. 595. - Le linguas del mundo, casa editorial del
Academia Scientific Hungare), ubi cata lingua del mundo ha un entrata. (O al
minus multe linguas del mundo.) Le libro ha naturalmente plure scriptores,
dunque non tote le entratas es scribite per un persona. Illac sta super
interlingua:

"Qui sape le latino o cognosce alicun lingua romance pote comprender lo a
prime lectura; ma su apprension active es a pena plus facile, que lo de
qualcunque lingua romanic, proque illo comprehende multe irregularitates,
exceptiones. Generalmente interlingua es un 'lingua romanic ordinari',
insimul con le exceptiones e irregularitates."

Vostre opiniones?

Secundo me il es multo triste, que un libro de grande prestigio como A vilĂĄg
nyelvei (Linguas del mundo) contine tal mentitas e misinformationes. Qui
formulava iste articulo? Esque un esperantista? Esperantistas sole dicer,
que interlingua es irregular e ha multe exceptiones... Infortunatemente le
cathedras del studio interlinguistica in le universitates es conquirite,
dominate per esperantistas e a plure cathedras de interlinguistica le studio
se restringe solmente o in le major parte de describer e studiar esperanto.

E il es regrettabile tamben, que le articulo in le Wikipedia hungarophone
super interlingua cita le mesme articulo del A vilĂĄg nyelvei. Io essayava un
vice deler le parte del description que contine le referentia al
"irregularitates" e "exceptiones" - proque io ha rarmente incontrate ulle
altere lingua si regular, como interlingua... - ma in van: alicuno ha
reestablite iste mentita apparente in le articulo original.

Io sape concretemente, que iste argumentation apparente in le Wikipedia
hungare e in A vilĂĄg nyelvei se origina de un esperantista, proque le prime
vice io legeva le mesme description de interlingua "irregular" e "con
exceptiones" in le libro de IstvĂĄn Szerdahelyi (professor esperantista de
Hungaria) in su libro BĂĄbeltĹ&#65533;l a vilĂĄgnyelvig (de Babel usque al lingua
mundial). Verisimilemente A vilĂĄg nyelvei ha usate isto como fonte a su
articulo, le qual articulo es citate in le Wikipedia hungarophone.

--
Archivos e disabonar: http://listserv.icors.org/archives/INTERLNG.html




>
>--
>Archivos e disabonar: http://listserv.icors.org/archives/INTERLNG.html

--
Archivos e disabonar: http://listserv.icors.org/archives/INTERLNG.html